హీరోయిన్ రష్మిక ప్రస్తుతం వరుస అవకాశాలను దక్కించుకుంటూ కెరీర్లో దూసుకెళ్తోంది. అదే సమయంలో మరో కథనాయిక కూడా వరుసగా భిన్న చిత్రాలను చేస్తూ కెరీర్ను రాణిస్తోంది. నేషనల్ వైడ్గా ఇద్దరి స్టార్ డమ్ ప్రస్తుతం పీక్స్లో ఉందనే చెప్పాలి. అయితే తాజాగా రష్మిక.. డ్రీమ్ వారియర్స్ పిక్చర్స్ బ్యానర్పై ఓ లేడీ ఓరింయెంటెడ్ బైలింగ్వల్ చిత్రానికి గ్రీన్ సిగ్నల్ ఇచ్చింది. ఫిక్షనల్ లవ్ డ్రామాగా రూపొందనున్న ఈ సినిమా షూటింగ్ ఏప్రిల్ 3న పూజా కార్యక్రమాలతో ప్రారంభమైంది. అయితే ఈ సినిమా ఫస్ట్ ఛాయిస్ రష్మిక కాదట. హీరయిన్ సమంతనట. కొన్ని అనివార్య కారణాల వల్ల వీరి మధ్య జరిగిన డీల్ను పక్కనపెట్టి మనసు మార్చుకున్నట్లు తెలిసింది. అందుకే ఇప్పుడు రష్మికను ఎంపిక చేశారట.
వాస్తవానికి.. డ్రీమ్ వారియర్స్ పిక్చర్స్.. గతంలో 2021లో హీరోయిన్ సమంతతో ఓ సినిమాను ప్రకటించింది. అయితే దాని గురించి ఇప్పుడు వరకు ఎటువంటి అప్డేట్ ఇవ్వలేదు. కానీ అనూహ్యంగా ఆ బ్యానర్ వారు తాజాగా రష్మికతో సినిమాను అనౌన్స్ చేశారు. ఇందులో దేవ్ మోహన్.. రష్మికకు జోడీగా నటించనున్నట్లు తెలిపారు. 'రెయిన్ బో' టైటిల్ పేరుతో రూపొందనున్న ఈ సినిమాకు తమిళ దర్శకుడు శాంతరూబన్ డైరెక్ట్ చేయబోతున్నట్లు వెల్లడించారు. దీంతో సమంత స్థానంలో రష్మిక రావడంపై అభిమానుల్లో సర్వత్ర ఆసక్తి మొదలైంది. అసలు ఏం జరిగి ఉంటుంది అనే ఉత్సుకత నెలకొంది.
అయితే ఈ సినిమా షూటింగ్ లాంఛ్ కార్యక్రమంలోనూ.. ఇదే ప్రశ్న నిర్మాత ఎస్ఆర్ ప్రభుకు ఎదురైంది. అయితే దీనికి ఆయన షాకింగ్ ఆన్సర్ ఇచ్చారట! దీంతో అందరూ ఆయన.. పరోక్షంగా హీరోయిన్ సమంతను ఉద్దేశించి అన్నారని అనుకుంటున్నారు. ప్రభు మాట్లాడుతూ.. క్రియేటర్స్, స్క్రిప్ట్స్.. రైట్‌ ప్లేస్‌లో రైట్‌ పర్సన్‌ను సెలెక్ట్ చేసుకుంటాయి. మేం అదే నమ్ముతాం. ఆ ఫ్లోను మేం మార్చాలనుకోవడం లేదు. కంటెంట్‌, కర్మ అలా జరుగుతూ వెళ్తుంటాయి. వాటిని ఎవరూ మార్చలేరు" అని అన్నట్లు కథనాలు వస్తున్నాయి. అయితే ఈ వ్యాఖ్యలు సమంత ఫ్యాన్స్ను హర్ట్ చేశాయట. అంటే ఈ స్క్రిప్ట్కు సామ్ రైట్‌ పర్సనా కాదా? అని ప్రశ్నిస్తున్నారు సమంత ఫ్యాన్స్. కర్మ అనే పదం ఉపయోగించడం సరికాదని అంటున్నారు.
ఇకపోతే సమంత ఈ ప్రాజెక్ట్ ఓకే చేసిన సమయానికి.. కాస్త అటు ఇటుగా హీరో నాగచైతన్యతో విడాకులు తీసుకుంది. ఆ తర్వాత ఆమె అనారోగ్యానికి గురై బ్రేక్ తీసుకుంది. ప్రస్తుతం వేరే షూటింగ్లతో బిజీ అయిపోయింది. ఏదిఏమైనప్పటికీ ప్రస్తుతం ఈ వ్యాఖ్యలు కాస్త హాట్టాపిక్గా మారాయి. కాగా, ప్రస్తుతం శాకుంతలం సినిమా ప్రమోషన్స్లో బిజీగా ఉంది సామ్. ఈ నెలలోనే సినిమా విడుదల కానుంది. దీని తర్వాత విజయ్ దేవరకొండ ఖుషి సినిమాతో రానుంది. హిందీలోనూ సిటాడెల్ వెబ్సిరీస్ చేస్తోంది.
ఇదీ చూడండి: నటుడిగా మారిన 'కచ్చా బాదం' సింగర్.. రెమ్యునరేషన్ ఎంతంటే?
