Pawankalyan favourite hero : టాలివుడ్ పవర్ స్టార్ పవన్ కల్యాణ్.. ఈ పేరుకు ఉండే క్రేజే వేరు. ఆయన తెరపై కనిపిస్తే చాలు బాక్సాఫీస్ ముందు రికార్డులు వరుస కడతాయి. ఫ్యాన్స్ ఈలలు, గోలలతో థియేటర్లు దద్దరిల్లుతాయి. మరి ఇంతటి భారీ స్థాయిలో క్రేజ్ను సంపాదించున్న పవన్కు.. తన తోటి హీరోల్లో ఏ కథానాయకుడు అంటే ఇష్టమో తెలుసా? ఆ విషయాన్ని ఆయనే చెప్పారు.
ప్రస్తుతం పవర్ స్టార్ ఓ వైపు రాజకీయాలతో మరోవైపు వరుస సినిమాలతో ఫుల్ బిజీగా ఉంటున్నారు. సినిమా షూటింగ్లలో పాల్గొంటూనే.. రాజకీయ ప్రచార సభల్లోనూ పాల్గొంటున్నారు. వచ్చే ఎన్నికల్లో ఎలాగైనా అధికారంలోకి రావాలని గట్టిగా ప్రయత్నిస్తున్నారు. ఈ క్రమంలోనే తాజాగా ఓ ప్రచార సభలో పవన్ తనకిష్టమైన హీరోలు ఎవరో చెప్పుకొచ్చారు. తన వారాహి యాత్రలో భాగంగా యువతను, సినీ స్టార్స్ను ఉద్దేశించి ప్రసంగిస్తూ చెప్పారు.
Pawan kalyan varahi yatra : ఈ యాత్రలో భాగంగా మాట్లాడుతూ.. "సినిమాలు వేరు.. రాజకీయం వేరు. మీరందరూ ఏ హీరోనైనా ఇష్టపడండి. కానీ రాష్ట్ర ప్రయోజనాల కోసం అంతా ఒక్కచోటికి చేరాలి. నా తోటి నటులంటే నాకెంతో గౌరవం. వారి సినిమాలు చూస్తాను. నాకు రామ్చరణ్, ఎన్టీఆర్, ప్రభాస్, చిరంజీవి అంటే చాలా ఇష్టం. ఎంతో గౌరవం" అని అన్నారు. ప్రస్తుతం దీనికి సంబంధించిన వీడియో సోషల్మీడియాలో వైరల్ అవ్వడం ప్రారంభమైంది. ఇది చూసిన నెటిజన్లు దాన్ని ట్రెండ్ చేస్తూ లైక్స్, కామెంట్లతో హోరెత్తిస్తున్నారు.
Pawankalyan Upcoming movies : ప్రస్తుతం పవన్ కల్యాణ్ చేతిలో నాలుగు సినిమాలు ఉన్నాయి. వీటిలో ఇప్పటికే సముద్రఖని దర్శకత్వంలోని 'బ్రో' సినిమా షూటింగ్ పూర్తైంది. మల్టీస్టారర్గా రూపొందుతున్న ఈ చిత్రంలో మెగా హీరో సాయితేజ్తో కలిసి నటించారు పవన్. ఇకపోతే హరీశ్ శంకర్ దర్శకత్వంలో 'ఉస్తాద్ భగత్ సింగ్' సినిమా చేస్తున్నారు. ఇందులో పోలీస్ ఆఫీసర్గా కనిపించనున్నారు. క్రిష్ డైరెక్షన్లో 'హరిహర వీరమల్లు' సినిమా చాలా కాలం నుంచి షూటింగ్ జరుపుకుంటున్నా ఎటువంటి అప్డేట్స్ లేవు. సాహో ఫేం సుజీత్ దర్శకత్వంలో 'ఓజీ' సినిమా చేస్తున్నారు. భారీ యాక్షన్ ఎంటర్టైనర్గా గ్యాంగ్ స్టర్ నేపథ్యంలో రూపొందుతోందీ చిత్రం. త్వరలోనే ఈ చిత్రాలన్నీ రిలీజ్ కానున్నాయి. వీటి కోసం అభిమానులు ఆసక్తిగా ఎదురుచూస్తున్నారు.
ఇదీ చూడండి :
పవన్ కల్యాణ్ 'OG'.. 70 ఏళ్లు వెనక్కి!
Pawan Kalyan OG : పవన్ కల్యాణ్ 'ఓజీ'లో పవర్ఫుల్ లేడీ.. ఓకే చెప్పిన 'పొగరు' బ్యూటీ
