సినీ సెలబ్రిటీలకు సంబంధించిన ఏ విషయమైనా తెలుసుకునేందుకు దాదాపు సినీ అభిమానులందరికీ ఆసక్తి ఉంటుంది. ముఖ్యంగా వారి రెమ్యునరేషన్ గురించి మరింత ఆసక్తి ఎక్కువ చూపిస్తుంటారు. వాటికి సంబంధించి వివరాలను ఆరా తీస్తూనే ఉంటారు. సోషల్ మీడియాలో ఆయా హీరోల రెమ్యూనరేషన్పై ఎన్నో రకరకాల వార్తలు వస్తూనే ఉంటాయి. కానీ వాటిపై ఏ హీరోలు స్పందించరు. తమ పారితోషికం ఎంతో.. ఓపెన్గా చెప్పరు. అయితే ఓ స్టార్ హీరో మాత్రం ధైర్యంగా తన రెమ్యునరేషన్ గురించి ఓపెన్గా చెప్పేశారు. రోజుకు తాను ఎంత తీసుకుంటారో బహిరంగంగా తెలిపారు. ఆయనే పవర్ స్టార్ పవన్ కల్యాణ్.
ప్రస్తుతం రోజుకు తాను రూ. 2 కోట్ల పారితోషికం తీసుకుంటున్నట్లు స్పష్టతనిచ్చారు. ఇటీవలే ఓ సినిమాకు 22 రోజులు డేట్స్ ఇచ్చినట్లు చెప్పుకొచ్చారు. అలా తాను ఒక్క సినిమాకు రూ. 44 కోట్ల రెమ్యునరేషన్ తీసుకున్నట్లు ఓపెన్ అయ్యారు. మచిలీపట్నంలో జరిగిన జనసేన ఆవిర్భావ సభలో.. తనపై రాజకీయంగా విమర్శలు చేసేవారికి సమాధానం చెబుతూ ఆయన ఈ వ్యాఖ్యలు చేశారు. తాను అమ్ముడు పోయానని చేస్తున్న విమర్శలకు.. బదులుగా తన రెమ్యునరేషన్ రోజుకు రూ. 2 కోట్లు అని చెప్పారు. తాను డబ్బు కోసం ఆశపడే వాడిని కాదని.. కావాలంటే తానే డబ్బులు ఇస్తానని పేర్కొన్నారు.
కాగా, పవన్ ప్రస్తుతం ఓ వైపు సినిమాలు మరోవైపు పాలిటిక్స్తో బిజీగా ఉంటున్న సంగతి తెలిసిందే. రెండింటిని బ్యాలన్స్ చేస్తూ కెరీర్లో ముందుకెళ్తున్నారు. ప్రస్తుతం తమిళ హిట్ సినిమా 'వినోదయ సితం' రీమేక్లో నటిస్తున్నారు. ఇందులో ఆయన మేనల్లుడు మెగా సుప్రీమ్ సాయితేజ్ కూడా నటిస్తున్నారు. తమిళ దర్శకుడు, నటుడు సముద్రఖని ఈ చిత్రాన్ని డెరెక్ట్ చేస్తున్నారు. ఈ సినిమాకే ఆయన 20రోజుల డేట్స్ కేటాయించారని గతంలో వార్తలొచ్చాయి. ఇప్పుడు తాజా వ్యాఖ్యలతో.. ఈ సినిమాకే ఆయన రూ.44 కోట్లు తీసుకున్నట్టు అర్థమవుతోంది. ఇక ఈ సినిమాతో పాటు హరీశ్ శంకర్ డైరెక్షన్లో ఉస్తాద్ భగత్ సింగ్ సినిమా చేయబోతున్నారు. చాలా కాలంగా పెండింగ్ ఉన్న ఈ చిత్రం త్వరలోనే సెట్స్పైకి వెళ్లే అవకాశముంది. అలాగే ఆయన క్రిష్ దర్శకత్వంలో నటించిన హరిహర వీరమల్లు సినిమా షూటింగ్ చివరి దశకు చేరుకుంది. త్వరలోనే ఇది పాన్ ఇండియా స్థాయిలో రిలీజ్ అయ్యేందుకు సిద్ధమైంది. ఇక సాహో దర్శకడు సుజిత్తోనూ ఓజీ అనే చిత్రాన్ని చేస్తున్నారు పవన్.
ఇదీ చూడండి: టైగర్ బ్యాక్ టు హోమ్.. ఆస్కార్ ఆనందాన్ని తారక్ మొదటగా ఆమెతోనే పంచుకున్నారట!
