నందమూరి హీరోలు.. యంగ్ టైగర్ ఎన్టీఆర్, కల్యాణ్ రామ్ తెలుగు ఇండస్ట్రీలో ఓ ఘనత సాధించారు. సినిమా సినిమాకు వీరు చేస్తున్న ప్రయోగాల వల్ల టాలీవుడ్కు స్టార్ డైరెక్టర్లు దొరుకుతున్నారు. వీరి సినిమాలతో వచ్చిన దర్శకులు ప్రస్తుతం బడా హీరోలతో సినిమాలు చేస్తూ స్టార్ స్టేటస్లో కొనసాగుతున్నారు. ఆ సంగతులేంటో తెలుసుకుందాం...
నందమూరి కల్యాణ్రామ్ ఇటీవలే 'బింబిసారుడి'గా వచ్చి బాక్సాఫీస్పై యుద్ధం చేసి చారిత్రక విజయాన్ని అందుకున్నారు. అయితే ఈ చిత్రానికి దర్శకుడిగా పనిచేసిన వశిష్ఠ ప్రస్తుతం ప్రస్తుతం స్టార్స్టేటస్ను అందుకున్నారు. ఇప్పడాయనికి వరుస అవకాశాలు వచ్చే ఛాన్స్లు ఉన్నాయి. అయితే అంతకుముందు కూడా కల్యాణ్ సినిమాతో దర్శకులుగా పరిచయమైనవారు ప్రస్తుతం ఇండస్ట్రీలో స్టార్ హోదాలో కొనసాగుతున్నారు. 'అతనొక్కడే' చిత్రంతో సురేందర్ రెడ్డికి అవకాశం ఇచ్చారు. ఈ మూవీ సురేందర్ రెడ్డికి మంచి క్రేజ్ తెచ్చిపెట్టింది. ఆ తర్వాత సూపర్ హిట్ చిత్రాలతో ప్రముఖ దర్శకుడిగా పేరు సంపాదించుకున్నారు. ప్రస్తుతం అక్కినేని అఖిల్తో భారీ స్థాయిలో 'ఏజెంట్'ను రూపొందిస్తున్నారు.
టాలీవుడ్ యంగ్ డైరెక్టర్ అనిల్ రావిపూడి గురించి ప్రత్యేకంగా చెప్పనక్కర్లేదు. కామెడీ, ఫ్యామిలీ కంటెంట్తో బ్యాక్ టు బ్యాక్ సక్సెస్ను అందుకుంటున్నారు. అనిల్ కేరీర్ కూడా కల్యామ్రామ్ నటించిన 'పటాస్' మూవీతోనే ప్రారంభమైంది. తన టాలెంట్తో 'ఎఫ్2, ఎఫ్ 3', 'సరిలేరు నీకెవ్వరూ' లాంటి బ్లాక్ బాస్టర్ చిత్రాలకు దర్శకత్వం వహించి.. స్టార్ డైరెక్టర్ లిస్ట్లో చేరిపోయారు. త్వరలోనే నందమూరి హీరో బాలకృష్ణతో ఓ మూవీ చేయనున్నారు.
ఇక టాలీవుడ్ డైరెక్టర్స్ కా బాప్ దర్శకధీరుడు రాజమౌళి ప్రస్తుతం ఇండియన్ సినిమానే శాసించే స్థాయిలో ఉన్నారు. ఆయన కేరీర్ ఎన్టీఆర్ 'స్టూడెంట్ నెంబర్ వన్'తో మొదలైంది. తొలి మూవీతోనే ఇండస్ట్రీ హిట్ కొట్టి దర్శకుడిగా తొలి సక్సెస్ను అందుకున్నారు. డెబ్యూ దర్శకుడిగా ఎన్టీఆర్ రాజమౌళికి కల్పించిన ఈ అవకాశం.. జక్కన శ్రమ, ప్రతిభ.. ఆయన్ను ఉన్నత స్థాయికి తీసుకెళ్లాయి. ఆ తర్వాత వీరిద్దరి కాంబోలో వచ్చి 'సింహాద్రి', 'యమదొంగ', 'ఆర్ఆర్ఆర్' సంచలనాలు సృష్టించాయి.
తారక్ నటించిన 'ఆది' చిత్రంతో వీవీ వినాయక్ యాక్షన్ దర్శకుడిగా తెలుగు ప్రేక్షకులకు పరిచయం అయ్యారు. ఈ చిత్రం కూడా బాక్సాఫీస్ వద్ద మంచి విజయాన్ని సాధించడంతో టాలీవుడ్ డైరెక్టర్గా మంచి గుర్తింపు ఏర్పడింది. ఆ తర్వాత 'చెన్నకేశవరెడ్డి', 'దిల్', 'ఠాగూర్', 'బన్నీ', 'అదుర్స్', 'ఖిలాడీ నెంబర్ వన్' చిత్రాలకు దర్శకత్వం వహించారు. బ్లాక్ బాస్టర్ సినిమాలను అందించిన వీవీ వినాయక్ కూడా ప్రస్తుతం స్టార్ స్టేటస్లోనే కొనసాగుతున్నారు. ఇప్పుడాయన బెల్లంకొండ శ్రీనివాస్తో హిందీలో 'ఛత్రపతి' హిందీ రీమేక్ చేస్తున్నారు. ఈ మూవీ బాలీవుడ్ అరంగ్టేట్రేం చేయనున్నారు. కాగా, కొత్త టాలెంట్ను గుర్తించి అవకాశాలు ఇస్తూ.. వారికి స్టార్ డైరెక్టర్లుగా మారే అవకాశం ఇస్తున్న నందమూరి హీరోలపై అభిమానులు, సినిమాకు చెందిన వారు ప్రశంసలు కురిపిస్తున్నారు.
ఇదీ చూడండి: పిలుస్తున్న బాలీవుడ్.. హిందీ చిత్రసీమలో తెలుగు దర్శకుల హవా!
