నటసింహం నందమూరి బాలకృష్ణ వెండితెరపై వెలుగుతూనే.. బుల్లి తెరపై సందడి చేస్తున్నారు. వరుస సినిమాలతో దూసుకెళ్తున్నారు. తాజాగా బాలకృష్ణ కొత్త ప్రాజెక్టు గురించి అప్డేట్ వచ్చింది. అనిల్ రావిపూడి కలయికలో ఓ సినిమా వస్తోంది. ఈ మూవీ NBK108 అనే వర్కింగ్ టైటిల్తో తెరకెక్కుతోంది. ఈ సినిమా మొదటి షెడ్యూల్ను ముగించుకుంది. ఈ మేరకు జైలు సెట్లో యాక్షన్ సీక్వెన్స్ షూటింగ్ ముగించుకున్నట్లు చిత్ర బృందం సోషల్ మీడియా వేదికగా తెలిపింది. ఈ సందర్భంగా సెట్లో చిత్ర యూనిట్తో కలిసి కొత్త సంవత్సర వేడుకల్లో పాల్గొన్నారు బాలయ్య. ఇందుకు సంబంధించి చిత్ర నిర్మాణ సంస్థ శైన్ స్క్రీన్స్ సోషల్ మీడియాలో ఫొటోలు విడుదల చేసింది.
ఈ సినిమాకు హరీష్ పెద్ది, సాహు గారపాటి నిర్మాతలుగా వ్యవహరిస్తున్నారు. తమన్ ఎస్ సంగీతం సమకూరుస్తున్నారు. నటసింహం నటిస్తున్న ఈ సినిమా మాస్ యాక్షన్ ఎంటర్టైనర్గా రూపొందుతోంది. ఈ సినిమా జూన్ 2023లో విడుదల అయ్యే అవకాశాలున్నాయి. కాగా, బాలకృష్ణ మాస్ మూవీ వీరసింహారెడ్డి విడుదలకు సిద్ధంగా ఉంది. ఈ సినిమాకు గోపీచంద్‌ మలినేని దర్శకత్వం వహించారు. మైత్రీ మూవీ మేకర్స్ పతాకంపై తెరకెక్కుతున్న ఈ సినిమాలో బాలకృష్ణ సరసన శ్రుతిహాసన్‌ అలరించనుంది. సంక్రాంతికి కానుకగా జనవరి 12న ప్రేక్షకుల ముందుకు రానున్న ఈ సినిమాపై అభిమానులు భారీగా అంచనాలు పెట్టుకున్నారు. మైత్రీ మూవీ మేకర్స్ బ్యానర్‌‌‌‌‌‌‌‌పై నవీన్ యెర్నేని, వై.రవిశంకర్ నిర్మించిన ఈ చిత్రానికి తమన్ సంగీతం అందించారు. ఇప్పటికే ఈ సినిమాలోని పాటలు విడుదలై అభిమానులను ఉర్రూతలూగిస్తున్నాయి.
