Nara Rohit Prathinidi 2 : నారా రోహిత్... చాలా ఏళ్ల తర్వాత ఇటీవలే తన కొత్త సినిమా 'ప్రతినిధి 2' ప్రకటించి అందరిలో ఆసక్తిని రేకెత్తించిన సంగతి తెలిసిందే. ఈ సినిమాకు సంబంధించి రోజుకో అప్డేట్ వస్తోంది. తాజాగా.. నేడు(జులై 26) రోహిత్ పుట్టినరోజు సందర్భంగా .. సినిమా కాన్సెప్ట్ టీజర్ను రిలీజ్ చేసింది మూవీటీమ్.
ఈ వీడియో బ్లాక్ కలర్ బ్యాక్ గ్రౌండ్ విజువల్స్తో సాగింది. వార్తాపత్రికలను బాగా హైలైట్ చేస్తూ చూపించారు. ఆ వార్తా పత్రికల్లో ఓట్లు మాయం, యువత రావాలి, హింస పెరిగిపోతోంది వంటి హెడ్ లైన్స్ను మరింత హైలైట్ చేసి చూపించడం కనిపిస్తోంది. అలానే ఓ ప్రభుత్వ కార్యాలయంలో బాంబ్ బ్లాస్ జరిగి పేలిపోవడం.. దాని వెనకే.. వేల మంది జనం గూమిగుడి ఉన్న ఓ రాజకీయ సభ ఒకటి జరుగుతున్నట్లు చూపించారు. సమాజంలో జరిగే అసమానతలను ఎదుర్కొనేందుకు ఒక్కడు నిలబడతాడు అంటూ మళ్లీ ఫస్ట్ లుక్ పోస్టర్ బాగా లార్జ్ సైజ్లో చూపించి ఆకట్టుకున్నారు. బ్యాక్ గ్రౌండ్ మ్యూజిక్ కూడా ఇంట్రెస్టింగ్గా సాగింది. మొత్తంగా ఈ టీజర్ చూస్తుంటే ఇది ఓ ఇంట్రెస్టింగ్ పొలిటికల్‌ థ్రిల్లర్గా సినిమా రాబోతుందని అర్థమవుతోంది.
Nara Rohit Prathinidi 2 Director : ఈ చిత్రానికి ప్రముఖ జర్నలిస్ట్ మూర్తి దర్శకత్వం వహించనున్నారు. వానరా ఎంటర్టైన్మెంట్స్ బ్యానర్‌పై.. కుమారరాజా బత్తుల, ఆంజనేయులు శ్రీ తోట, కొండకళ్ల రాజేందర్ రెడ్డి సినిమాను నిర్మిస్తున్నారు. మహతి స్వర సాగర్ సంగీతం అందిస్తున్నారు. నాని చమిడిశెట్టి సినిమాటోగ్రాఫీ అందిస్తున్నారు. రవితేజ గిరిజాల ఎడిటర్ బాధ్యతలు చూసుకోబోతున్నారు. కిరణ్ కుమార్ మన్నె ఆర్ట్ డైరెక్టర్గా వ్యవహరించనున్నారు. సినిమా వచ్చే ఏడాది జనవరి 25న వరల్డ్ వైడ్గా గ్రాండ్గా రిలీజ్ కానుంది. ఇకపోతే గతంలో నారా రోహిత్ హీరోగా నటించిన ప్రతినిధికి సీక్వెల్గా ఇది రానుంది. అప్పట్లో మొదటి భాగం సెన్సేషనల్ హిట్గా నిలిచి ఆడియెన్స్ను బాగానే ఆకట్టుకుంది.
- " class="align-text-top noRightClick twitterSection" data="">
