నందమూరి నట సింహం బాలకృష్ణ ప్రస్తుతం 'వీర సింహా రెడ్డి' సక్సెస్ను ఆస్వాదిస్తున్నారు. ఇక ఈ సినిమా తర్వాత తన అప్కమింగ్ ప్రాజెక్ట్ గురించి అప్పట్లో అనౌన్స్ చేశారు. అలా తన 108వ సినిమా కోసం బాలయ్య..'ఎఫ్3' డైరెక్టర్ అనిల్ రావిపుడితో చేయి కలిపారు. ఫాదర్ అండ్ డాటర్ సెంటిమెంట్తో సాగే ఈ సినిమాలో బాలయ్యకు కూతురుగా యంగ్ హీరోయిన్ శ్రీలీల నటిస్తోంది. సాహు గారపాటి, హరీశ్ పెద్ది నిర్మిస్తున్న ఈ సినిమా ఇప్పటికే ఓ షెడ్యూల్ను పూర్తి చేసుకోగా.. తదుపరి షెడ్యుల్ ఫిబ్రవరి 23నుంచి మొదలవ్వనుంది. అయితే తాజాగా అందిన సమాచారం ప్రకారం సినిమాను 2023 దసరాకు రిలీజే చేయాలని చిత్ర యూనిట్ సన్నాహాలు చేస్తోందని తెలుస్తోంది.
పవన్-రవితేజ కూడా.. పవర్ స్టార్ పవన్ కల్యాణ్ అటు రాజకీయాలతోనూ ఇటు సినిమా షూటింగులతోనూ బిజీగా ఉంటున్నారు. ఆయన ప్రస్తుతం నాలుగు ప్రాజెక్టులకు సైన్ చేశారు. క్రిష్ దర్శకత్వంలో తెరకెక్కుతున్న 'హరి హర వీర మల్లు', హరీష్ శంకర్ దర్శకత్వంలో 'ఉస్తాద్ భగత్ సింగ్', సాహో ఫేమ్ సుజీత్తో ఓ మూవీ.. ఇంకా కోలీవుడ్ హిట్ 'వినోదయ సీతమ్' రీమేక్. అయితే క్రిష్ పీరియాడికల్ డ్రామా 'హరిహర వీరమల్లు' మాత్రం పవర్ స్టార్ అభిమానుల అంచనాలను అమాంతం పెంచేసింది. ఎందుకంటే ఇటువంటి జానర్లో పవన్ నటించడం ఇదే తొలిసారి.
అందుకే ఈ సినిమాపై భారీ అంచనాలు పెట్టుకున్నారు ఫ్యాన్స్. ఇప్పటికే పోస్టర్తో పాటు పవన్ లుక్ను చూసిన ఫ్యాన్స్ ఈ సినిమా ఎప్పుడు రిలీజవుతుందా అని ఆసక్తిగా ఎదురు చూస్తున్నారు. అయితే ఈ మూవీ కూడా దసరాకు విడులయ్యేందుకు సిద్ధంగా ఉందని కొన్ని రోజులుగా ప్రచారం సాగుతోంది. ఇప్పటికే అరవై శాతం షూటింగ్ పూర్తి చేసుకున్న ఈ సినిమా అక్టోబర్లో థియేటర్లలో సండది చేయనుందని టాక్ వినిపిస్తోంది.
మరోవైపు 'ధమాకా' సక్సెస్తో ఫుల్ జోష్లో ఉన్న మాస్ మహారాజా రవితేజా.. ప్రస్తుతం వంశీ దర్శకత్వంలో తెరకెక్కుతున్న టైగర్ నాగేశ్వరరావు సినిమా షూటింగ్ పూర్తి చేసే పనిలో బిజీగా ఉన్నారు. స్టువర్ట్పురం గజ దొంగ, ఇండియన్ రాబిన్ హుడ్ అయిన టైగర్ నాగేశ్వరరావు బయోపిక్గా ఈ చిత్రం రూపొందుతోంది. పాన్ ఇండియా లెవల్లో రూపొందుతున్న ఈ స్టోరీ లైన్ విన్న ఫ్యాన్స్ ఆశ్చర్యానికి గురయ్యారు. ఇంతటి గజ దొంగ పాత్రలో రవితేజ ఎలా ఉంటారో అని ఎగ్జైటింగ్గా వెయిట్ చేస్తున్నారు. అయితే ఈ సినిమా కూడా 2023 దసరాకు విడుదల కానున్నట్లు సమాచారం. అలా పవన్ హరిహర వీరమల్లు, రవితేజ టైగర్ నాగేశ్వరరావు కూడా దసరాకు సిద్ధమైతే.. 'ఎన్బీకే 108'కు గట్టి పోటీనిచ్చే అవకాశాలున్నాయని సినీ వర్గాల అంచనా. చూడాలి మరి ఏం జరుగుతుందో.
వేసవిలో 'ఉగ్రం'.. టాలీవుడ్లో కామెడీ పండించే అతి కొద్దిమంది హీరోల్లో ఒకరైన అల్లరి నరేశ్... 'నాంది' సినిమాతో తన రూట్ మార్చారు. ప్రేక్షకులకు తనలోని కొత్త కోణాన్ని చూపించారు. ఈ సినిమా బాక్సాఫీస్ వద్ద మంచి విజయం సాధించడమే కాకుండా కాసుల వర్షాన్ని కురిపించింది. అంతే కాకుండా ఈ సినిమా దర్శకుడు విజయ్ కనకమేడలకు మంచి గుర్తింపు తీసుకొచ్చింది. అయితే వీరిద్దరి కాంబోలో ప్రస్తుతం 'ఉగ్రం' అనే మరో సినిమా తెరకెక్కుతోంది. క్రైమ్ థ్రిల్లర్ నేపథ్యంలో సాగే ఈ సినిమా ఏప్రిల్ 14న రిలీజ్ కానున్నట్లు ఇటీవలే వార్తలు వచ్చాయి. అయితే ఇప్పుడు ఈ రిలీజ్ డేట్ను మార్చుకున్నట్లు తెలుస్తోంది. మే 5న విడుదలకు వాయిదా పడిందని సమాచారం. అయితే రీసెంట్గా ఫిబ్రవరిలో విడుదల కావాల్సిన సమంత శాకుంతల.. ఏప్రిల్ 14న కు వాయిదా పడింది. ఈ నేపథ్యంలోనే ఉగ్రం వెనక్కి తగ్గాలని యోచిస్తున్నట్లు తెలుస్తోంది. త్వరలోనే దీనిపై క్లారిటీ వచ్చే అవకాశముంది.
