చిరంజీవిపై పరువునష్టం దావా- కోర్టుకెక్కిన మన్సూర్ అలీఖాన్- మరో ఇద్దరిపై కేసు

Mansoor Ali Khan Trisha Controversy : సోషల్ మీడియా వేదికగా తనను అవమానించారంటూ కోర్టును ఆశ్రయించారు తమిళ నటుడు మన్సూర్ అలీఖాన్​. ఈ నేపథ్యంలో త్రిషతో పాటు చిరంజీవి, కుష్బూలపై పరువు నష్టం కేసు పెట్టారు.

Mansoor Ali Khan Trisha Controversy : తమిళ నటుడు మన్సూర్​ అలీఖాన్​ తాజాగా కోర్టును ఆశ్రయించారు. మెగాస్టార్​ చిరంజీవితో పాటు త్రిష, కుష్బూలపై ఆయన పరువు నష్టం కేసు పెట్టారు. సోషల్ మీడియా వేదికగా తన పరువుకు భంగం కలిగించేలా ఆ ముగ్గురు చేసిన వ్యాఖ్యలపై ఆయన ఈ కేసు వేసినట్లు ఓ స్టేట్​మెంట్​ ద్వారా తెలిపారు. మొత్తం వీడియోను చూడకుండా తన ప్రతిష్టను దిగజార్చారంటూ ఆరోపించిన ఆయన, వారి నుంచి ఆయన రూ.1 కోటి డిమాండ్ చేశారు. సోమవారం (డిసెంబర్ 11)న మద్రాసు హైకోర్టులో విచారణ జరగనుంది.

• Actor Mansoor Ali Khan filed a sue application against actress Trisha Krishnan, Kushboo Sundar & Chiranjeevi Konidela for their defamatory remarks that were made against him on the public social media platform ‘X’ (formerly ‘Twitter’) https://t.co/Dr0YUqY71W pic.twitter.com/xIVzLedBzW

  — ANI (@ANI) December 8, 2023 " class="align-text-top noRightClick twitterSection" data="

  Actor Mansoor Ali Khan filed a sue application against actress Trisha Krishnan, Kushboo Sundar & Chiranjeevi Konidela for their defamatory remarks that were made against him on the public social media platform ‘X’ (formerly ‘Twitter’) https://t.co/Dr0YUqY71W pic.twitter.com/xIVzLedBzW

  — ANI (@ANI) December 8, 2023

  ">

  Actor Mansoor Ali Khan filed a sue application against actress Trisha Krishnan, Kushboo Sundar & Chiranjeevi Konidela for their defamatory remarks that were made against him on the public social media platform ‘X’ (formerly ‘Twitter’) https://t.co/Dr0YUqY71W pic.twitter.com/xIVzLedBzW

  — ANI (@ANI) December 8, 2023

అసలు ఏం జరిగిందంటే :
నటుడు మన్సూర్‌ అలీఖాన్‌ ఇటీవలే ఓ ఇంటర్వ్యూలో పాల్గొన్నారు. మన్సూర్‌ ఓ ఇంటర్వ్యూలో మాట్లాడారు. అయితే గతంలో తాను ఎన్నో రేప్‌ సీన్లలో నటించానని, 'లియో'లో అవకాశం వచ్చినప్పుడు త్రిషతో కూడా అలాంటి సీన్​ ఉంటుందని అనుకున్నట్లు కామెంట్​ చేశారు. ఆ సీన్​ లేకపోవడం వల్ల తనకి బాధ కలిగిందన్నారు. ఆ వీడియో నెట్టింట ట్రెండ్​ అయ్యి త్రిష దృష్టికి వెళ్లింది. దీంతో ఆమె సోషల్‌ మీడియా వేదికగా మన్సూర్​పై ఆగ్రహం వ్యక్తం చేశారు. ఇలాంటి వారి వల్లే అందరికీ చెడ్డపేరు వస్తుందంటూ తన కోపాన్ని వెల్లడించారు. ఈ నేపథ్యంలో త్రిషకు మద్దతుగా 'లియో' డైరెక్టర్​ లోకేశ్‌ కనగరాజ్‌, టాలీవుడ్ మెగా స్టార్ చిరంజీవి, నితిన్‌, రోజా, రాధిక, సింగర్ చిన్మయి నిలిచారు. మన్సూర్‌ వ్యాఖ్యలను ఖండించారు.

అయితే ఈ విషయంపై స్పందించిన మన్సూర్​ ఈ మేరకు ఇన్​స్టాగ్రామ్​లో ఒక పోస్ట్ చేశారు. త్రిషపై తనకెంతో మంచి అభిప్రాయం ఉందన్నారు. ఆమెను గౌరవిస్తున్నానని చెప్పారు. తాను సరదాగా చెప్పిన వ్యాఖ్యలపై ఇలాంటి దుమారం రేగుతుందనుకోలేదన్నారు. నేను ఎవరినో, ఎలాంటి వాడినో అందరికీ తెలుసు అని ఇన్​స్టాగ్రామ్ స్టోరీలో​ పేర్కొన్నారు.

అయితే ఆయన వ్యాఖ్యలను జాతీయ మహిళా కమిషన్‌ సీరియస్‌గా తీసుకుంది. ఆ స్టేట్​మెంట్​ను సుమోటోగా స్వీకరించి మన్సూర్‌పై కేసు నమోదు చేయాలని తమిళనాడు పోలీసులకు ఆదేశాలు కూడా జారీ చేసింది. మహిళల గురించి ఈ విధంగా అసభ్యకరమైన వ్యాఖ్యలు చేస్తే సహించేదిలేదని తెలిపింది. ఆ తర్వాత సోషల్​ మీడియా వేదికగా మన్సూర్ అలీఖాన్ త్రిషకు క్షమాపణలు చెప్పారు. అయితే తనపై సోషల్ మీడియాలో అవమానకర వ్యాఖ్యలు చేశారంటూ ఆయన చిరుతో పాటు త్రిష, కుష్బూలపై పరువు నష్టం కేసు పెట్టడం గమనార్హం.