Mahesh Babu Lokesh Kanagaraj: తమిళ క్రేజీ డైరెక్టర్ లోకేశ్ కనకరాజ్తో కలిసి సూపర్స్టార్ మహేశ్బాబు ఓ సినిమా చేయనున్నట్లు తెలుస్తోంది. 'ఖైదీ', 'మాస్టర్' లాంటి బ్లాక్బస్టర్ చిత్రాలను తీశారు లోకేశ్. ఇటీవలే 'విక్రమ్' సినిమా ప్రమోషన్స్ కోసం హైదరాబాద్ వచ్చిన ఆయన.. మహేశ్ను కలవడం వల్ల టాలీవుడ్లో ఈ మేరకు జోరుగా ప్రచారం సాగుతోంది. వీరిద్దరూ దాదాపు 2గంటల పాటు చర్చలు జరిపినట్లు సమాచారం. అన్నీ కుదిరితే ఈ ప్రాజెక్టును ఓకే చేసేందుకు మహేశ్ ఆసక్తిగా ఉన్నట్లు తెలుస్తోంది.
ప్రస్తుతానికి విహారయాత్రలో ఉన్న మహేశ్.. త్వరలోనే త్రివిక్రమ్తో చేయబోయే సినిమా సెట్లో అడుగుపెట్టనున్నారు. ఆ తర్వాత తొలిసారి రాజమౌళి దర్శకత్వంలో ఓ చిత్రం చేయనున్నారు. ఇక యూనివర్సల్ హీరో కమల్ హాసన్తో తెరకెక్కించిన 'విక్రమ్' సినిమా విడుదల కోసం లోకేశ్ ఎదురు చూస్తున్నారు. అనంతరం సూపర్స్టార్ విజయ్తో కలిసి మరో చిత్రాన్ని (Thalapathy 67) చేయనున్నట్లు ఇటీవలే ఓ వేడుకలో స్పష్టంచేశారు.
ఇదీ చూడండి: మాకు విడాకులు కావాలి: కియారా అడ్వాణీ, వరుణ్ ధావన్
