Leo Story Line : దళపతి విజయ్ హీరోగా నటించిన లేటెస్ట్ యాక్షన్‌ థ్రిల్లర్‌ మూవీ లియో. లోకేశ్ కనగరాజ్‌ దర్శకుడు. అన్ని కార్యక్రమాలు పూర్తి చేసుకున్న ఈ చిత్రం అక్టోబరు 19న ఆడియెన్స్ ముందుకు రానుంది. ఈ క్రమంలో ఓ ఆసక్తికర లీక్ బయటకు వచ్చింది. ఈ సినిమా ప్లాట్‌లైన్‌ తెలిసింది. 2005లో రిలీజైన హాలీవుడ్‌ ఫిల్మ్‌ ఏ హౌస్‌ ఆఫ్‌ వైలెన్స్‌ను స్ఫూర్తిగా తీసుకుని ఈ చిత్రాన్ని తీర్చిదిద్దినట్లు ఇప్పటికే టాక్ వినిపిస్తోంది.
అయితే ఈ చిత్ర ఫ్లాట్ లైన్ ఏంటంటే.. చరిత్రలోనే అత్యంత క్రూరమైన హింసా సామ్రాజ్యంలో గడిపిన ఓ వ్యక్తి.. కొన్ని అనుకోని కారణాల వల్ల దాని నుంచి విముక్తి పొంది బయటకు వచ్చేస్తాడు. ఆ తర్వాత కెఫేను నడుపుకొంటూ ఫ్యామిలీతో సంతోషంగా జీవిస్తున్న అతడి లైఫ్లో కొందరు ప్రతినాయకులు ప్రవేశిస్తారు. మరి వాళ్ల రాకతో అతడి జీవితం మళ్లీ ఎలాంటి మలుపులు తిరిగింది? ఇంతకీ ఆ లియోదాస్‌ గతంలో ఏం చేసేవాడు? అసలు ఆ విలన్లు ఎందుకు అతడి జీవితంలోకి వచ్చారు? మరి ఆ హింసా సామ్రాజ్యం నుంచి అతడు ఎలా బయటపడ్డాడు? మళ్లీ కత్తిపట్టాడా? లేదా? అనేది తెలియాలంటే తెరపై చూడాల్సిందే. ఇకపోతే ఈ సినిమా సెన్సార్ను పూర్తి చేసుకుంది. లియోకు పలు కట్స్‌ పడ్డాయి. నాలుగు నిమిషాల నిడివి తగ్గింది.
ఇకపోతే ఈ చిత్రంలో రామ్‌చరణ్‌ గెస్ట్ రోల్లో కనిపిస్తారని టాక్ వినిపిస్తోంది. విక్రమ్‌లో రోలెక్స్‌లా కోబ్రా పేరుతో కనిపిస్తారని ప్రచారం సాగుతోంది. అయితే, దీనిపై మూవీటీమ్ ఎలాంటి క్లారిటీ ఇవ్వలేదు. మరి నిజంగా ఈ సినిమాలో రామ్‌చరణ్‌ ఉన్నారా? లేదా? అనేది తెలియాలంటే మరో వారం రోజులు ఆగాల్సిందే. తమిళ, తెలుగు, కన్నడ, మలయాళ, హిందీ భాషల్లో సినిమా విడుదల కానుంది. త్రిష హీరోయిన్గా నటిస్తోంది. అర్జున్‌ సర్జా, సంజయ్‌ దత్‌, గౌతమ్‌ వాసుదేవ్‌ మేనన్‌ తదితరులు కీలక పాత్రలు పోషిస్తున్నారు. తమిళంలో అయితే ఈ చిత్రాన్ని ఐమ్యాక్స్‌ వెర్షన్‌లోనూ రిలీజ్ చేయడం విశేషం.
- " class="align-text-top noRightClick twitterSection" data="">
Tiger Nageswararao Rao Theatres : టైగర్.. హైప్ లేదా? లేక కావాలనే వారు స్క్రీన్స్ ఇవ్వట్లేదా?
NTR Chandrababu : 'ఏపీ రాజకీయాలపై ఎన్టీఆర్‌ అందుకే స్పందించలేదేమో'.. రాజీవ్ కనకాల
