'కేజీయఫ్' నటుడు బీఎస్ అవినాష్ కారు ప్రమాదానికి గురయ్యారు. బుధవారం ఉదయం బెంగళూరులోని అనిల్ కుంబ్లే సర్కిల్ వద్ద ఆయన కారును వేగంగా వస్తున్న ట్రక్కు ఢీకొట్టింది. అయితే అదృష్టవశాత్తు ఆయన ప్రాణాలతో సురక్షితంగా బయటపడ్డారు. ఈ విషయాన్ని ఫేస్బుక్ వేదికగా వెల్లడించారు అవినాష్.
'కేజీయఫ్'లో ఆండ్రూ పాత్రతో మంచి గుర్తింపు తెచ్చుకున్నారు అవినాష్. బుధవారం ఉదయం జిమ్కు వెళ్తుండగా.. ఈ ప్రమాదం జరిగినట్లు ఆయన తెలిపారు. గ్రీన్ సిగ్నల్ పడగానే తన కారును ముందుకు పోనిస్తుండగా.. రెడ్ సిగ్నల్ను అతిక్రమిస్తూ ఓ ట్రక్కు వచ్చి ఢీకొట్టింది. ఈ ప్రమాదంలో కారుకు మాత్రమే నష్టం జరిగినట్లు 'ఆండ్రూ' తెలిపారు. ట్రక్కు డ్రైవర్ను పోలీసులు అదుపులోకి తీసుకున్నట్లు సమాచారం.
ఇదీ చూడండి: పోలీసులను ఆశ్రయించిన సీనియర్ నటి పవిత్ర
