ఇందిరా గాంధీతో కంగనా భేటీ - ఎలా సాధ్యమంటే ?

Kangana Ranaut Indira Gandhi : బాలీవుడ్ నటి కంగనా రనౌత్.. స్వీయ దర్శకత్వంలో తెరకెక్కుతున్న చిత్రం 'ఎమర్సెన్సీ'. ఈ సినిమాలో ఆమె మాజీ ప్రధాని ఇందిరా గాంధీ పాత్రలో పోషిస్తున్నారు. ఈ క్రమంలో కంగనా.. భారత మాజీ ప్రధాని ఇందిరా గాంధీ (ఏఐ ఇమేజ్)తో దిగిన ఫొటో షేర్​ చేశారు.

Kangana Ranaut Indira Gandhi : బాలీవుడ్ నటి కంగనా రనౌత్ స్వీయ దర్శకత్వంలో తెరకెక్కుతున్న చిత్రం 'ఎమర్సెన్సీ'. ఈ సినిమాలో కంగనా.. భారత మాజీ ప్రధాని ఇందిరా గాంధీ పాత్రలో నటించనున్నారు. తాజాగా నటి కంగనా.. స్వయంగా ఇందిరా గాంధీ ఎదురుగా కూర్చొని ఆమెతో ముచ్చటిస్తున్నట్లుగా ఓ ఫొటో బయటకు వచ్చింది. అయితే ఇది ఏఐ (ఆర్టిఫిషియల్ ఇంటెలిజెన్స్​) టెక్నాలజీతో సాధ్యమైంది.

అయితే కంగనా సోమవారం దిల్లీలోని 'ప్రధానమంత్రి సంగ్రహాలయ'ను సందర్శించారు. ఈ సమయంలోనే ఆమె ఇందిరా గాంధీ, ప్రస్తుత ప్రధాని నరేంద్రమోదీ (ఏఐ ఇమేజ్)తో దిగిన ఫొటోను పోస్ట్ చేశారు. అయితే 'వీరాంగనా కీ మహాగాథ' పేరిట ఏర్పాటు చేసిన లైట్ అండ్ సౌండ్ షో లో ఈమె పాల్గొన్నారు. 'చరిత్రలోని అనేక అధ్యాయాలు ఈ షో ద్వారా నా కళ్ల ముందు కనిపించాయి. ప్రతి ఒక్కరూ కుటుంబంతోపాటు వచ్చి వినోదాన్ని పోందవచ్చు' అని పేర్కొన్నారు.

• View this post on Instagram

  A post shared by Kangana Ranaut (@kanganaranaut)

ఎమర్సెన్సీ సినిమా విషయానికొస్తే.. భారత మాజీ ప్రధాని ఇందిరా గాంధీ హయాంలో దేశంలోని ఎమర్జెన్సీ నాటి పరిస్థితులను ఆధారంగా చేసుకుని ఈ చిత్రం తెరకెక్కుతోంది. ఈ సినిమాతో 1975 నాటి ఎమర్జెన్సీ వాతావరణాన్ని దాదాపు 48 ఏళ్ల తర్వాత ప్రజలకు చూపే ప్రయత్నం చేస్తున్నారు కంగనా. ఇక జూన్​లో రిలీజైన టీజర్​కు మంచి స్పందన లభించింది. అయితే సినిమాను నవంబర్ 24న విడుదల చేస్తామని మొదట్లో మూవీయూనిట్ ప్రకటించింది. కానీ, కొన్ని కారణాల వల్ల విడుదల పోస్ట్​పోన్ అయ్యింది. అయితే 2024 తొలి అర్ధభాగంలో రిలీజ్ అయ్యే ఛాన్స్ ఉన్నట్లు తెలుస్తోంది.

Emergency Movie Cast : ఈ చిత్రంలో కశ్మీర్ ఫైల్స్ ఫేమ్ అనుపమ్ ఖేర్ , మమతా చౌదరీ, విశాక్ నాయర్​ కీలక పాత్రల్లో నటించారు. నటుడు శ్రేయస్ తల్పాడే భారత మాజీ ప్రధాని అటల్ బిహారీ వాజ్‌పేయి పాత్ర పోషించారు. కాగా కంగనా ఇదివరకు 'మణికర్ణిక' అనే సినిమాకు దర్శకత్వం వహించగా తాజా ఎమర్జెన్సీ సినిమా రెండోది.

• " class="align-text-top noRightClick twitterSection" data="">