యూనివర్సల్ స్టార్ కమల్ హాసన్ హీరోగా నటించిన 'విక్రమ్' ఇటీవల విడుదలై బాక్సాఫీసు వద్ద మంచి వసూళ్లు సాధిస్తోంది. దర్శకత్వం, నటన, నేపథ్యసంగీతం ఇలా అన్ని విభాగాల్లోనూ ప్రేక్షకులను అలరించింది. ఈ సందర్భంగా సినిమా సక్సెస్తో సంబరాలు చేసుకుంటున్న మూవీటీమ్కు గిఫ్ట్లు ఇచ్చి వారి ఖుషీని మరింత పెంచారు కమల్. ఇటీవల దర్శకుడు లోకేశ్ కనకరాజ్కు విలావంతమైన లెక్సెస్ కారును, అసిస్టెంట్ డైరెక్టర్లకు టీవీఎస్ అపాచీ బైక్లను ఇచ్చారు. తాజాగా ఈ సినిమాలో ఆఖర్లో కనిపించి తన నటనతో అదరగొట్టేసినా 'రోలెక్స్'.. అదేనండి సూర్యకు కూడా సూపర్ గిఫ్ట్ ఇచ్చారు.
- " class="align-text-top noRightClick twitterSection" data="
">
'రోలెక్స్ సార్'కు రోలెక్స్!..: 'రోలెక్స్ కాదు.. రోలెక్స్ సార్ అని పిలవండి' అంటూ క్లైమాక్స్లో తన నటనతో అదరగొట్టేసిన సూర్యకు ఆ పాత్రపేరుకు తగినట్టు ఖరీదైన రోలెక్స్ వాచ్ను కానుకగా ఇచ్చారు. కమల్.. తనకు రోలెక్స్ను ఇస్తున్న ఫొటోను షేర్ చేశారు సూర్య. ఇలాంటి క్షణాలు జీవితాన్ని మరింత అందంగా మారుస్తాయని పేర్కొన్నారు. వాచ్ బహుకరించినందుకు కమల్కు థ్యాంక్స్ చెప్పారు సూర్య.
తెలుగు, తమిళం, కన్నడ, మలయాళం, హిందీ భాషల్లో విడుదలైన ఈ సినిమాకు మంచి రెస్పాన్స్ వస్తోంది. ప్రపంచవ్యాప్తంగా ఈ చిత్రం బాక్సాఫీసు కలెక్షన్లు రూ.200 కోట్లు దాటాయి. త్వరలోనే ఈ చిత్రం 500 మార్క్ను అందుకుంటదని సినీ విశ్లేషకులు వెల్లడించారు.
ఇదీ చూడండి : రాజమౌళి-మహేశ్ సినిమాలో బాలీవుడ్ బ్యూటీ!
