Jr NTR Hindi Movie : బాలీవుడ్ స్టార్ హీరో హృతిక్ రోషన్ లీడ్ రోల్లో అయాన్‌ ముఖర్జీ తెరకెక్కించనున్న లేటెస్ట్ మూవీ 'వార్2'. 2019లో విడుదలైన వార్-1కు సీక్వెల్గా తెరకెక్కిన ఈ సినిమా త్వరలో సెట్స్పైకి వెళ్లేందుకు సన్నాహాలు జరుగుతున్నాయి. ఇక ఈ సినిమాతో యంగ్ టైగర్ ఎన్టీఆర్ బాలీవుడ్ ఎంట్రీ ఇవ్వనున్నారు. ఈ విషయం అందరికీ తెలిసిందే. అయితే తాజాగా ఎన్టీఆర్ బాలీవుడ్ డెబ్యూ గురించి నెట్టింట ఓ వార్త చక్కర్లు కొడుతోంది. వార్ 2 సినిమాకంటే ముందు ఆయన మరో సినిమాతో బీ టౌన్లో ఎంట్రీ ఇవ్వనున్నారట. ఓ స్టార్ హీరో చిత్రంలో ఆయన గెస్ట్ రోల్లో కనిపించనున్నారట.
Jr NTR In Tiger 3 Movie : కండల వీరుడు సల్మాన్ ఖాన్, కత్రీనా కైఫ్ జంటగా నటిస్తోన్న 'టైగర్ 3' సినిమాలోని క్లైమాక్స్‌ సీన్లో జూనియర్ ఎన్టీఆర్ కనిపించనున్నారట. 'వార్ 2'ను రూపొందిస్తున్న యశ్‌ రాజ్‌ ఫిల్మ్స్‌ నిర్మాణ సంస్థ పైనే ఈ 'టైగర్ 3' సినిమా కూడా రూపొందుతోంది. ఈ క్రమంలోనే మూవీ మేకర్స్ ఈ కెమియో రోల్ గురించి ఎన్టీఆర్తో చర్చలు జరిపినట్లు తెలుస్తోంది. ఈ విషయంపై అక్కడి మీడియాలో ఇప్పటికే వార్తలు వచ్చాయి. కానీ ఈ విషయంపై మూవీ టీమ్ ఎటువంటి క్లారిటీ లేదు. ఒకవేళ ఇది నిజమైతే.. ఈ సినిమా భారీ మల్టీ స్టారర్‌ అవుతుందని ఫ్యాన్స్ ఆశాభావం వ్యక్తం చేస్తున్నారు. ఇక దీపావళి కానుకగా ఈ చిత్రం విడుదల కానుంది.
War 2 Shooting Update : మరోవైపు 'వార్2' మూవీ పనులు కూడా శరవేగంగా జరుగుతున్నాయి. ఇటీవలే ఎన్టీఆర్తో అయాన్‌ ముఖర్జీ చర్చలు కూడా జరిపారట. రానున్న నవంబర్‌లో ఈ సినిమా షూటింగ్ ప్రారంభమయ్యే అవకాశాలు కనిపిస్తున్నాయి. ఇక తారక్ ప్రస్తుతం కొరటాల దర్శకత్వంలో తెరకెక్కుతున్న 'దేవర' మూవీ షూటింగ్‌లో బిజీగా ఉన్నారు. శరవేగంగా చిత్రీకరణ జరుపుకుంటున్న ఈ సినిమా ఈ ఏడాది చివర్లో ముగిస్తుంది. పోస్ట్ ప్రొడక్షన్ పనులు పూర్తి చేసుకున్ని వచ్చే ఏడాది ఏప్రిల్లో ఈ సినిమా థియేటర్లలో సందడి చేయనుంది.
- " class="align-text-top noRightClick twitterSection" data="">
SIIMA 2023 Awards : NTRకు బెస్ట్ యాక్టర్ అవార్డ్.. ఫ్యాన్స్కు యంగ్ టైగర్ పాదాభివందనం
