Jawan Movie Digital Rights : బాలీవుడ్ బాద్‌షా షారుక్ ఖాన్ హీరోగా తెరకెక్కుతున్న ప్రతిష్ఠాత్మక చిత్రం'జవాన్'. అట్లీ దర్శకత్వం వహిస్తున్న ఈ భారీ యాక్షన్ థ్రిల్లర్ చిత్రంపై ప్రేక్షకుల్లో భారీ అంచనాలున్నాయి. తాజాగా ఈ చిత్రం డిజిటల్ హక్కులు భారీ ధరకు అమ్ముడైనట్లు తెలుస్తోంది. ఈ సినిమా ఓటీటీ హక్కులు, శాటిలైట్ హక్కులు సొంతం చేసుకున్న నెట్ఫ్లిక్స్, జీ దాదాపు రూ.250 కోట్లు చెల్లించిన్నట్లు తెలుస్తోంది.
'జవాన్'లో మరో స్టార్ హీరో?
సెప్టెంబర్ 21న తన పుట్టినరోజు సందర్భంగా మిత్రులు, కొంతమంది నటీనటుల సమక్షంలో పార్టీ చేసుకున్నారు దర్శకుడు అట్లీ. అయితే ఈ పార్టీకి సంబంధించిన ఓ ఫొటోను అట్లీ ట్విట్టర్లో పోస్ట్ చేశారు. అందులో ఇద్దరు స్టార్ల మధ్య అట్లీ ఉన్నారు. ఆ ఇద్దరు స్టార్లు మరెవరో కాదు. ఒకరు కింగ్ ఖాన్ షారుక్, మరొకరు తమిళ స్టార్ దళపతి విజయ్.. ఈ ఫొటోను చూసిన అభిమానులు విజయ్ కచ్చితంగా 'జవాన్'లో భాగమై ఉంటారని అంటున్నారు. ఈ సినిమా ఫస్ట్ లుక్ పోస్టర్ ఇప్పటికే నెట్టింట్లో హల్చల్ చేస్తోంది.
ఐదు భాషల్లో రిలీజ్ కానున్న ఈ సినిమా 2023లో ప్రేక్షకుల ముందుకు రానుంది. రెడ్ చిల్లీస్ ఎంటర్టైనమంట్స్తో పాటు గౌరీ ఖాన్ ఈ సినిమాకు నిర్మాతలుగా వ్యవహరిస్తున్నారు. ఈ చిత్రంలో షారుక్ ఖాన్‌కు జంటగా నయనతార నటిస్తున్నారు. షారుక్ మరో రెండు ప్రాజెక్టులతో బిజీగా ఉన్నారు. సిద్ధార్థ్ ఆనంద్ దర్శకత్వంలో 'పఠాన్'. మరొకటి రాజ్ కుమార్ హిరానీ 'డుంకీ' మూవీ.
ఇవీ చదవండి: సితారకు మహేశ్ స్పెషల్ విషెస్.. తన ప్రపంచాన్ని ప్రకాశవంతం చేస్తుందంటూ
మొన్న గుర్రపు స్వారీ.. ఇప్పుడు మార్షల్ ఆర్ట్స్.. ఆ సినిమా కోసం కాజల్ హార్డ్ వర్క్!
