Jagapathi babu Balakrishna : నందమూరి బాలకృష్ణ.. ఈ పేరుకు ఉన్న క్రేజే వేరు. ఇప్పుడు ఆయన సెకండ్ ఇన్నింగ్స్లో దూసుకుపోతున్న సంగతి తెలిసిందే. 'అఖండ', 'వీర సింహారెడ్డి' వంటి బ్యాక్ టు బ్యాక్ హిట్లు, ఓటీటీలో అన్స్టాపబుల్ సీజన్ షోస్తో కెరీర్ పీక్ స్టేజ్లో ఉన్నారు. అభిమానుల్లో మరింత ఫుల్ క్రేజ్ను సంపాదించుకున్నారు. ఆయన్ను చాలా మంది కోపిష్టి అంటారు కానీ.. అదే సమయంలో ఆయనది చిన్న పిల్లల మనస్తత్వం అని కూడా అంటుంటారు. సాయం కోరితే కాదనుకుండా చేస్తారట. అలాగే తోటి నటులను ప్రోత్సాహించడంలోనూ ఆయన ముందుంటారు.
Rudrangi movie jagapathi babu : తాజాగా మరో సీనియర్ నటుడు జగపతి బాబు కోసం ఆయన ముందుకొచ్చారు. జగపతి బాబు ప్రధాన పాత్రలో నటించిన 'రుద్రంగి' ప్రీ రిలీజ్ ఈవెంట్కు ఆయన గెస్ట్గా రాబోతున్నారని సమాచారం అందింది. జగపతిబాబు.. ఆహ్వానించగానే బాలయ్య వెంటనే ఒప్పుకున్నారట. తాను వస్తానని మాట ఇచ్చారట. ప్రస్తుతం ఈ విషయం సోషల్మీడియాలో ట్రెండ్ అవుతోంది. కాగా, గతంలో బాలయ్య నటించిన 'లెజెండ్' సినిమాలో జగపతిబాబు విలన్ పాత్ర పోషించిన సంగతి తెలిసిందే. ఈ చిత్రంలోని తన పాత్రలో జగపతి బాబు కెరీర్ టర్న్ అయింది. అప్పటి నుంచి ఇప్పటి వరకు సక్సెస్ఫుల్గా కెరీర్లో ముందుకెళ్తున్నారు.
ఇకపోతే తెలంగాణ బ్యాక్ డ్రాప్‌లో సాగే పీరియాడిక్‌ యాక్షన్‌ డ్రామాగా 'రుద్రంగి' సినిమా రూపొందింది. ఇందులో భీమ్ రావు అనే దొర పాత్రలో జగపతిబాబు నటించారు. సినిమాకు అజయ్ సామ్రాట్‌ దర్శకత్వం వహించారు. రసమయి బాలకిషన్‌ నిర్మాతగా వ్యవహరించారు. కాలకేయ ప్రభాకర్‌, ఆశిష్‌ నందా, ఆశిష్‌ గాంధీ, దివి వైద్య తదితరులు కీలక పాత్రలు పోషించారు.
ఇక చాలా ఏళ్ల తర్వాత మళ్లీ ఈ చిత్రంతో తెలుగులోకి రీ ఎంట్రీ ఇస్తుంది నటి మమతా మోహన్‌దాస్‌. గతంలో నటిగా, గాయనిగా టాలీవుడ్‌లో మంచి క్రేజ్ తెచ్చుకుంది. కానీ క్యాన్సర్ బారిన పడిన తర్వాత సినిమాలకు దూరమైంది. మళ్లీ ఇన్నేళ్లకు ఇప్పుడీ పీరియాడిక్‌ యాక్షన్‌ సినిమాతో ప్రేక్షకుల ముందుకు రాబోతోంది. ఈ సినిమా జులై 7న థియేటర్లలో రిలీజ్ కానుంది. ఇప్పటికే రిలీజైన పోస్టర్‌లు, పాటలు, టీజర్, ట్రైలర్ సినిమాపై మంచి బజ్‌నే క్రియేట్‌ చేశాయి. మరోవైపు బాలయ్య ప్రస్తుతం అనిల్ రావిపూడి దర్శకత్వంలో 'భగవంత్ కేసరి' సినిమాలో నటిస్తున్నారు. ఇందులో కాజల్ అగర్వాల్ హీరోయిన్గా నటిస్తోంది. యంగ్ బ్యూటీ శ్రీలీల మరో కీలక పాత్ర పోషిస్తోంది. శరత్ కుమార్ కూడా మరో ప్రధాన పాత్రలో కనిపించనున్నారు.
- " class="align-text-top noRightClick twitterSection" data="">
ఇదీ చూడండి :
Balakrishna Movies : 'భగవంత్ కేసరి' తర్వాత నటసింహం లైనప్ ఇదే.. బాలయ్య ఫుల్ జోష్లో ఉన్నారుగా!
