ప్రముఖ డైరెక్టర్ గుణ శేఖర్‌ దర్శకత్వంలో స్టార్ హీరోయిన్ సమంత నటించిన పౌరాణిక చిత్రం 'శాకుంతలం'. మలయాళ యాక్టర్ దేవ్ మోహన్ మూవీలో దుష్యంతుడిగా నటించారు. భారీ అంచనాలతో పాన్ ఇండియా స్థాయిలో రీసెంట్గా ఆడియెన్స్ ముందుకు వచ్చిన ఈ సినిమా బాక్సాఫీస్‌ వద్ద ఆశించిన విజయాన్ని సాధించలేకపోయింది. సమంత స్టార్ ఇమేజ్తో ముందుకు వచ్చిన ఈ చిత్రం కనీసం మంచి ఓపెనింగ్స్ అయినా అందుకుంటుందనుకుంటే అవి కూడా అంతగా రాలేదు. ఫస్ట్ డే నుంచే నెగిటివ్‌ టాక్‌ రావడంతో సినిమా చూడటానికి ప్రేక్షకులు ఆసక్తి చూపలేదు. కలెక్షన్స్ కూడా దారుణంగా పడిపోయాయి. ప్రమోషన్స్‌తో ఎంత హైప్‌ క్రియేట్‌ చేసినా కొంచెం కూడా వర్కౌట్ కాలేదు. క‌థ, క‌థ‌నం, వీఎఫ్ఎక్స్‌, శకుంతల- దుష్యంతుల కెమిస్ట్రీ, సామ్ డబ్బింగ్‌.. ఇలా ఎన్నో అంశాల్లో శాకుంతలం అభిమానుల్ని నిరాశపరిచింది. సోషల్మీడియాలో ట్రోల్స్కు గురైంది. దీంతో వీకెండ్లో కూడా కలెక్షన్స్ను సాధించలేకపోయింది. అయితే సినిమా ఫలితంపై 'శాకుంతలం' టీమ్‌ స్పందించలేదు. ఇప్పటివరకు సైలెంట్గానే ఉంది. కానీ ఈ మూవీ రిజల్ట్పై హీరోయిన్ సమంత పరోక్షంగా స్పందించారు. భగవద్గీతలోని అద్భుత శ్లోకాన్ని ఉటంకిస్తూ తన ఫొటోను సోషల్మీడియాలో షేర్ చేశారు.
కారులో కూర్చొని బయటకు చూస్తూ ఉన్న ఫొటోను షేర్ చేశారు సామ్. ఆ ఫొటోకు 'కర్మణ్యేవాధికారస్తే మా ఫలేషు కదాచన. మా కర్మఫలహేతుర్భూః మా తే సంగోస్త్వకర్మణి" అనే గీతా శ్లోకాన్ని క్యాప్షన్గా రాసుకొచ్చారు. పని చేయడం వరకే నీకు అధికారం. దాని ఫలంతో నీకు సంబంధం లేదు. అందుకే ప్రతిఫలం ఆశించి ఏ పనీ చేయకు. అలా అని పని చేయడం మానకు. అని దాని అర్థం. అంటే విజయాలు వస్తుంటాయి. అపజయాలు ఎదురవుతుంటాయి. అయినా మనం మన పని చేసుకుంటూ ముందుకు సాగాలి అని సమంత 'శాకుంతలం' రిజల్ట్పై పరోక్షంగా మాట్లాడారు. అలా మూవీ విడుదలైన తర్వాత సోషల్మీడియాలో వస్తున్న ట్రోల్స్కు ఇలా గట్టిగా సమాధానమిచ్చారు.
ఇకపోతే ప్రస్తుతం సమంత చేతిలో మరిన్ని బాడా ప్రాజెక్ట్లు ఉన్నాయి. వాటిలో ఇండియన్ వెర్షన్ 'సిటాడెల్‌' అతి పెద్దది. అమెరికన్‌ టీవీ సిరీస్‌ను.. భారతీయ ప్రేక్షకుల అభిరుచి తగ్గట్టుగా దర్శకుల ద్వయం రాజ్‌ అండ్‌ డీకే గ్రాండ్గా తెరకెక్కిస్తున్నారు. దీంతో పాటు విజయ దేవరకొండ హీరోగా శివ నిర్వాణ దర్శకత్వంలో రూపొందుతున్న 'ఖుషి'లోనూ సామ్ నటిస్తున్నారు. వీటితో పాటు మరో రెండు మూడు ప్రాజెక్టులు చర్చల దశలో ఉన్నాయని తెలిసింది.
ఇదీ చూడండి: Honey Rose : అలా ఉండటమే ఈ ఎర్ర గులాబీకి చాలా ఇష్టమట!
