కెరీర్ ప్రారంభం నుంచి వరుస విజయాలతో స్టార్ హీరోయిన్గా గుర్తింపు తెచ్చుకున్న ముద్దుగుమ్మ పూజాహెగ్డే. అయితే ఈ మధ్యకాలంలో విడుదలైన ఆమె చిత్రాలు అంతగా ఆడకపోయినా ఆమె జోరు మాత్రం తగ్గలేదు. వరుస సినిమాలు చేస్తూ దూసుకెళ్తోంది. అలాగే సోషల్మీడియాలోనూ చురుగ్గా ఉంటోంది. నిత్యం తనకు సంబంధించిన విషయాలను ఎప్పటికప్పుడు అప్డేట్స్ ఇస్తూనే మరోవైపు గ్లామర్ ట్రీట్ను కూడా ఇస్తోంది. అయితే తాజాగా ఆమె చేసిన పోస్ట్ అభిమానులను ఆందోళనకు గురిచేస్తోంది. ఎందుకంటే ఆమె గాయపడింది. తన పాదానికి కట్టు కట్టుకున్న ఫొటోను పోస్ట్ చేసింది. 'ఓకేదేన్' అని వ్యాఖ్య రాసుకొచ్చింది. ప్రస్తుతం ఆ ఫోటో సోషల్ మీడియాలో వైరల్గా మారింది. దీంతో అభిమానులు తెగ ఫీల్ అవుతున్నారు. ఆమె త్వరగా కోలుకోవాలని ప్రార్థిస్తూ విపరీతంగా కామెంట్లు పెడుతన్నారు. మరికొందరు పూజ ఐరెన్లెగ్కు ఏమైంది.. అంటూ కామెంట్స్ పెడుతున్నారు.
కాగా, ప్రస్తుతం పూజా తెలుగు, తమిళ, హిందీ భాషల్లో వరుస అవకాశాలతో దూసుకుపోతోంది. ఒక లైలా కోసం చిత్రంతో తెలుగు తెరకు పరిచయమైన ఈ ముద్దుగుమ్మ ఆ తర్వాత దువ్వాడ జగన్నాథం, సాక్ష్యం, అరవింద సమేత, మహర్షి, అల వైకుంఠపురములో చిత్రాలతో ఆకట్టుకుంది. రంగస్థలలో రామ్చరణ్తో జిగేల్రాణిగా స్పెషల్ సాంగ్లో తనదైన స్టెప్లతో అలరించింది. ఆ తర్వాత ప్రభాస్ రాధేశ్యామ్, విజయ్ బీస్ట్, రామ్చరణ్ ఆచార్యతో ఆకట్టుకుంది. ఇక హిందీలో సర్కస్, భాయిజాన్, తెలుగులో మహేశ్ ఎస్ఎస్ఎమ్బీ 28 తదితర చిత్రాల్లో నటిస్తోంది.
ఇదీ చూడండి: సోషల్మీడియాలో మళ్లీ ప్రియమణి ట్రెండింగ్.. ఆ విషయం నిజమేనా?
