దర్శకుడు ప్రశాంత్ నీల్ నేచురల్ స్టార్ నానితో ఓ సినిమా చేయబోతున్నారని నిన్నమొన్నటి వరకు ప్రచారం సాగింది. అయితే ఇప్పుడీ ప్రచారం రూటు మారింది. ఇటీవలే ప్రశాంత్.. ఎన్టీఆర్తో సినిమా చేయబోతున్నట్లు ప్రకటించిన విషయం తెలిసిందే. మాతృభూమి కోసం పోరాడిన ఓ యోధుడి క‌థ‌తో ఈ మూవీని తెర‌కెక్కిస్తున్న‌ట్లుగా తెలిపారు. అయితే ఇందులో మరో హీరోకు చోటు ఉన్నట్లు తెలుస్తోంది. ఇందులోనే నాని కనిపించనున్నారంటూ కొత్త ప్రచారం మొదలైంది! సోషల్మీడియాలో ఇప్పుడు దీని గురించే అంతా మాట్లాడుకుంటున్నారు. మరోవైపు సూపర్స్టార్ మహేశ్బాబు-త్రివిక్రమ్ సినిమాలో నాని కనిపించే అవకాశాలు ఉన్నాయని వార్తలు వచ్చాయి. మరి ఇందులో నిజమెంతో తెలియదు గానీ.. నాని అభిమానులు మాత్రం ఖుషీ అవుతున్నారు. వీటిపై క్లారిటీ రావాలంటే అధికార ప్రకటన వచ్చే వరకు వేచి ఉండాల్సిందే.
కాగా, ఎన్టీఆర్-ప్రశాంత్ నీల్ సినిమాను మైత్రీమూవీ మేకర్స్ నిర్మిస్తోంది. మిగతా వివరాలు త్వరలోనే తెలియనున్నాయి. ఇక ప్రశాంత్ ప్రస్తుతం సలార్తో బిజీగా ఉండగా.. తారక్ కొరటాల శివతో ఓ ప్రాజెక్ట్ చేసేందుకు సిద్ధమవుతున్నారు.
ఇదీ చూడండి: లైఫ్లో కాంప్రమైజ్ అవ్వన్నంటున్న చైతూ.. 'డెడ్' అంటూ సామ్ పోస్ట్
