Guntur Kaaram Oh My Baby Song : సూపర్స్టార్ మహేశ్ బాబు - శ్రీలీల లీడ్ రోల్స్లో తెరకెక్కుతున్న 'గుంటూరు కారం' నుంచి రెండో సాంగ్ రిలీజైంది. 'ఓ మై బేబీ' అనే లిరికల్ మెలోడీ సాంగ్ యూట్యూబ్లో నెటిజన్లను ఆకట్టుకుంటోంది. ఇక రామజోగయ్య శాస్త్రీ రాసిన ఈ పాటకు తమన్ మ్యూజిక్ అందించారు. శిల్పా రావు తన స్వరాన్ని అందించారు. ఇక ఈ పాట ప్రోమో వీడియో సోమవారం (డిసెంబర్ 11) విడుదలైన సంగతి తెలిసిందే.
ఈ సినిమాకు మాటల మాంత్రికుడు త్రివిక్రమ్ దర్శకత్వం వహిస్తున్న విషయం తెలిసిందే. అయితే గతనెల డైరెక్టర్ త్రివిక్రమ్ బర్త్ డే సంగర్భంగా సినిమా నుంచి ఫస్ట్ సాంగ్ను రిలీజ్ చేసింది మూవీయూనిట్. 'దమ్ మసాలా బిర్యానీ' అనే పాటను చిత్రబృందం విడుదల చేసింది. ఈ పాటకు రామజోగయ్యశాస్త్రి సాహిత్యం అందించగా సంజిత్‌ హెగ్డే, తమన్ పాడారు. ఎర్రకారం అరకోడి, నిమ్మసోడా ఫుల్ బీడీ, గుద్ది పారెయ్ గుంటూర్ని అనే లిరిక్స్ ఫ్యాన్స్ను బాగా ఆకట్టుకున్నాయి. ఈ పాటలో హీరో మహేశ్ను మాస్ లుక్లో చూపించారు. దీంతో ఫ్యాన్స్ ఆయన స్టైల్కు ఫిగా అయ్యారు. పాట రిలీజైన తొలి రోజుల్లో యూట్యూబ్లో ట్రెండింగ్ నెం.1గా నిలిచింది ఈ దమ్ మసాలా బిర్యానీ. మ్యూజిక్ సంచలనం ఎస్ ఎస్ తమన్ ఈ సినిమాకు సంగీతం అందిస్తున్న విషయం తెలిసిందే. మహేశ్ - తమన్ కాంబోలో ఇప్పటికే 'దూకుడు', 'బిజినెస్మేన్', 'ఆగడు' సినిమా సాంగ్స్ సూపర్హిట్గా నిలిచాయి.
Guntur Kaaram Cast : ఈ సినిమాలో శ్రీలీలతోపాటు నటి మీనాక్షి చౌదరీ కీలక పాత్ర పోషిస్తోంది. సీనియర్ నటులు జగపతిబాబు, రమ్యకృష్ణ, బ్రహ్మానందం, ప్రకాశ్ రాజ్, సునీల్, ముకేష్ రిషీ, రఘు బాబు, ఆశీష్ విద్యార్థి తదితరులు నటిస్తున్నారు. హారిక అండ్ హసిన్ క్రియేషన్స్ బ్యానర్పై యస్ రాధాకృష్ణ, సూర్యదేవర నాగవంశీ రూపొందిస్తున్నారు. ఇక షూటింగ్ పనులు స్పీడ్గా పూర్తిచేసి 2024 సంక్రాంతి కానుకగా జనవరి 12న ప్రేక్షకుల ముందుకు తీసుకొచ్చేలా మూవీటీమ్ ప్రయత్నాలు చేస్తోంది..
- " class="align-text-top noRightClick twitterSection" data="">
- " class="align-text-top noRightClick twitterSection" data="">
ఘాటెక్కిస్తున్న గుంటూరు కారం ఫస్ట్ సాంగ్ - 'దమ్ మసాలా బిర్యానీలా'
జోరు తగ్గించిన శ్రీలీల - ఆ ఇద్దరిలో ఈ యంగ్ బ్యూటీకి ఎవరు బ్రేక్ ఇస్తారో?
