Ranveer Singh Instagram : బాలీవుడ్లో స్టార్ కపుల్గా మెరుస్తున్నారు దీపికా పదుకొణె, రణ్వీర్ సింగ్ జంట. ఇక సౌత్లో సెన్సేషన్స్ సృష్టిస్తున్నారు త్రిష, రామ్ చరణ్. ఈ నలుగురు కూడా ఇండస్ట్రీలో టాప్ మోస్ట్ యాక్టర్సే. వీరందరూ విడివిడిగా ప్రేక్షకుల మదిలో తమ నటనతో చెరగని ముద్ర వేసిన వారే. కానీ ఈ స్టార్స్ ఒకే వేదికపై కనిపించి కనువిందు చేయడం అరుదు. అయితే తాజాగా ఈ తారలు ఓ ప్రాజెక్ట్ కోసం ఒకే స్క్రీన్పై మెరిసి అభిమానుల్లో ఆసక్తిని పెంచారు. నెట్టింట హల్చల్ చేస్తున్న ఓ గ్లింప్స్ ప్రస్తుతం అభిమానుల్లో భారీ అంచనాలు పెంచేస్తోంది. ఇంతకీ అదేంటంటే..
బాలీవుడ్ స్టార్ రణ్వీర్ సింగ్ ఇటీవలే ఇన్స్టాగ్రామ్ వేదికగా ఓ పోస్ట్ షేర్ చేశారు. ఈ వీడియో మొదట్లో దీపికా తన తప్పిపోయిన భర్తపై పోలీస్ స్టేషన్‌లో ఫిర్యాదు చేస్తూ కనిపిస్తారు. ఆ తర్వాత షాట్‌లో రణవీర్ సింగ్ 'టార్గెట్ ఫౌండ్' అంటూ ఎవరికో ఇన్ఫర్మేషన్ ఇస్తారు. వెనువెంటనే రామ్ చరణ్ ఛేజింగ్‌ సీన్, పోలీస్ స్టేషన్‌లో బాధతో నిల్చున్న త్రిష.. ఇలా నాలుగు ఆసక్తికరమైన షాట్లతో గ్లింప్స్ మొత్తం సస్పెన్స్గా సాగుతుంది. మధ్య మధ్యలో 'కొన్ని సీక్రెట్స్.. సీక్రెట్స్గానే ఉండిపోవాలి', 'కొన్ని పశ్నలకు సమాధానాలు ఇవ్వకపోతేనే మంచిది', 'కొన్ని రహస్యాలను పరిష్కరించకుండా వదిలేయడమే మంచిది'. అనే కోట్స్ ఆడియెన్స్లో మరింత సస్పెన్స్ను క్రియేట్ చేసేలా ఉంటాయి.
మరోవైపు రణ్వీర్ సింగ్ తన పోస్ట్ కింద 'రహస్యం త్వరలో బయటపడుతుంది! బిగ్ రివీల్ కోసం వేచి ఉండండి' అంటూ రాసుకొచ్చారు. దీంతో అభిమానుల్లో ఈ వీడియోపై ఆసక్తి ఎక్కువైపోంది. ఇప్పటికే ఈ స్టార్స్ అందరూ దేని కోసం ఈ వీడియోలో కనిపంచారంటూ ఫ్యాన్స్ కన్ఫ్యూజన్లో పడిపోగా.. ఇప్పుడు ఈ క్యాప్షన్ నెటిజన్లను మరింత ఆలోచింపజేసేలా చేస్తోంది.
ఈ క్రమంలో నెట్టింట కొందరేమో ఇదంతా ఓ కొత్త సిరీస్ లేదా సినిమా ప్రమోషన్స్లో భాగమని అంటుండగా.. మరికొందరేమో ఇది పక్కా ఏదో యాడ్ షూట్ అయ్యుండచ్చని కామెంట్లు పెడుతున్నారు. ఏది ఏమైనప్పటికీ ఈ విషయం ఆ 'బిగ్ సీక్రెట్ రివీల్' అయితే కానీ తెలియదని ఇంకొందరు నెటిజన్లు అభిప్రాయపడుతున్నారు.
