chandramukhi 2 music director : టాలీవుడ్లో ఎన్నో హిట్ పాటలను అందించి శ్రోతల మదిలో చిరస్థాయిగా నిలిచిపోయిన ప్రముఖ సంగీత దర్శకుడు ఎం.ఎం. కీరవాణి. మరకత మణిగా తమిళులకూ, ఎమ్‌.ఎమ్‌.క్రీమ్‌గా హిందీ ప్రేక్షకులను ఆకట్టుకున్నారు. ఇటీవలే 'ఆర్‌ఆర్‌ఆర్‌' నాటు నాటు సాంగ్తో ఆస్కార్‌ అందుకుని మరింత ఉన్నత స్థాయికి ఎదిగారు ఈ ఆస్కీరవాణి.
తాజాగా ఈ మధుర రాగాల మాంత్రికుడు ఓ ఆసక్తికర విషయాన్ని చెప్పారు. తాను రెండు నెలల పాటు నిద్రపోకుండా ఓ సినిమాకు సంగీతం అందించినట్లు తెలిపారు. ఆ చిత్రమే 'చంద్రముఖి 2'. తాజాగా ఆ సినిమాకు సంబంధించిన ఓ కొత్త అప్డేట్ను సోషల్ మీడియా వేదికగా తెలిపారు. సినీ అభిమానుల్లో మరింత ఆసక్తి రేకెత్తించారు.
ప్రముఖ నిర్మాణ సంస్థ లైకా ప్రొడక్షన్స్‌ ఈ చిత్రాన్ని నిర్మించింది. ఈ సినిమా ఫస్ కాపీని ఆయన చూసి తన అభిప్రాయాన్ని తెలిపారు. "ఈ చిత్రంలోని పాత్రలు చావు భయంతో నిద్రలేని రాత్రులను గడుపుతాయి. ఆ అద్భుతమైన సీన్స్ కోసం నేను 2 నెలల పాడు నిద్రపోకుండా సంగీతం అందించాను" అని కీరవాణి పేర్కొన్నారు. అలాగే సంగీత దర్శకులు గురుకిరణ్‌, విద్యాసాగర్‌ ఆశీస్సులను కూడా కోరారు.
ఇక కీరవాణి చేసిన పోస్ట్‌ ప్రస్తుతం సోషల్మీడియాలో తెగ చక్కర్లు కొడుతోంది. దీనిపై సినీ ప్రియులు, పలువురు నెటిజన్లు స్పందిస్తున్నారు. 'సినిమా కోసం అలాగే మీ బీజీఎమ్ కోసం ఎంతో ఆసక్తిగా ఎదురుచూస్తున్నాం, లక.. లక.. లక' అంటూ తెగ కామెంట్లు చేస్తున్నారు.
rajinikanth chandramukhi movie : ఇకపోతే సూపర్ స్టార్ రజనీకాంత్ హీరోగా 2005లో విడుదలైన సినిమా చంద్రముఖి. ఈ సినిమా అప్పట్లో బాక్సాఫీస్ వద్ద ఘన విజయాన్ని అందుకుంది. ఇప్పుడీ చిత్రానికి సీక్వెల్‌గా 'చంద్రముఖి 2' తెరకెక్కింది. ఈ రెండు సినిమాలను పి. వాసు దర్శకత్వం వహించారు.
ఇప్పుడు రెండో భాగంలో రాఘవ లారెన్స్‌ హీరోగా నటించారు. రాజ నర్తకిగా బాలీవుడ్‌ ప్రముఖ యాక్టర్ కంగనా రనౌత్ కనిపించనుంది. అప్పట్లో తొలి భాగానికి విద్యాసాగర్‌ సంగీతం అందించారు. ఇప్పుడు సీక్వెల్కు కీరవాణి అందించారు. వినాయక చవితి కానుకగా ఈ సినిమా సెప్టెంబరులో పాన్‌ ఇండియా స్థాయిలో గ్రాండ్గా విడుదల కానంది.
ఇదీ చూడండి :
బిజీ బిజీగా కంగనా రనౌత్.. 'చంద్రముఖి 2' ఫొటోస్ షేర్ చేసిన భామ
