Bhola Shankar OTT Streaming Partner : మెగాస్టార్ చిరంజీవి లీడ్ రోల్లో వచ్చిన లేటెస్ట్ మూవీ 'భోళాశంకర్'. ఫ్యామిలీ అండ్ మాస్ ఎంటర్‌టైనర్‌గా తెరకెక్కిన ఈ సినిమా శుక్రవారం ప్రేక్షకుల ముందుకు వచ్చింది. ఇక ఈ సినిమా ప్రేక్షకుల నుంచి మంచి టాక్ అందుకుంటోంది. ఈ క్రమంలో తెలుగులో ఈ సినిమా షోలకు బుకింగ్స్ సైతం బాగా పెరుగుతున్నాయని టాక్. దీంతో ఓపెనింగ్స్ కూడా బాగానే వచ్చే ఛాన్స్ ఉందని ట్రేడ్ వర్గాలు అంటున్నాయి.
ఈ మూవీ పైనున్న భారీ అంచనాల కారణంగా.. దీని డిజిటల్ స్ట్రీమింగ్ హక్కులను ఎవరు సొంతం చేసుకుంటారన్న విషయంపై సందిగ్ధత నెలకొంది. అయితే ఎట్టకేలకు ప్రముఖ దిగ్గజ ఓటీటీ సంస్థ నెట్‌ఫ్లిక్స్ సంస్థ ఈ సినిమా డిజిటల్ రైట్స్‌ను కొనుగోలు చేసినట్లు మూవీ యూనిట్ వెల్లడించింది. 'భోళాశంకర్' టైటిల్ కార్డ్స్‌పై వేసి ఆ విషయంపై క్లారిటీ ఇచ్చింది.
Bhola Shankar Digital Partner : మరోవైపు ఈ సినిమా స్ట్రీమింగ్ డేట్ గురించి కూడా తాజాగా ఓ సమాచారం నెట్టింట చక్కర్లు కొడుతోంది. సినిమా థియేటర్లలో విడుదలైన 30 రోజుల తర్వాతనే ఓటీటీలో స్ట్రీమింగ్ చేసేలా నిర్మాతలు ఒప్పందం చేసుకున్నారట. దాని ప్రకారం ఈ సినిమా సెప్టెంబర్ 2వ వారంలో స్ట్రీమింగ్‌కు వస్తుందనే టాక్ జోరుగా వినిపిస్తోంది.
Bhola Shankar US Premiers : యూఎస్ ప్రీమియర్స్ను చూసిన అభిమానులు ఈ సినిమా ఓ మంచి ఫ్యామిలీ ఎంటర్‌టైనర్ అని అంటున్నారు. చిరు మాస్ లుక్స్, అన్నా చెల్లెళ్ల సెంటిమెంట్, అలాగే చిరు తమన్నా కెమిస్ట్రీ.. సినిమాకే హైలైట్గా నిలిచిందని ఫ్యాన్స్ నెట్టింట కామెంట్లు పెడుతున్నారు. ఇక మూవీలోని సెకెండ్ హాఫ్ సినిమాకు ఓ నయా ట్విస్ట్ ఇస్తుందని అభిప్రాయపడ్డారు. ఇక మహతి స్వరసాగర్ స్వరపరిచిన బ్యాక్గ్రౌండ్ మ్యూజిక్ బాగుందంటూ ప్రేక్షకులు అంటున్నారు. అటు ఓవర్సీస్లోనే కాదు తెలుగు రాష్ట్రాల్లోనూ ఈ సినిమా మంచి టాక్ అందుకుంటోందని ఫ్యాన్స్ నెట్టింట కామెంట్లు పెడుతున్నారు.
- " class="align-text-top noRightClick twitterSection" data="">
Bhola Shankar Trailer : మరోవైపు జాగా విడుదలైన 'భోళాశంకర్' ట్రైలర్ కూడా ప్రేక్షకులను ఆకట్టుకుంది. చిరు పంచ్‌ డైలాగ్స్‌, ఎక్స్ప్రెషన్స్.. కీర్తి సురేశ్ నటనతో ఈ ట్రైలర్ ఆద్యంతం సినీ ప్రియులను ఆకట్టుకునేలా ఉంది. సోదరి సెంటిమెంట్ నేపథ్యంలో తెరకెక్కుతోన్న ఈ సినిమాలో ఎమెషన్స్తో పాటు యాక్షన్ కూడా కావాల్సినంత ఉందని తాజాగా విడుదలైన ట్రైలర్తో నిరూపితమైంది. ఇక సినిమాలోని పాటలకు కూడా ఆడియెన్స్ కనెక్ట్ అయ్యారు.
Chiranjeevi Bhola Shankar Cast : ఇక సినిమా విషయానికి వస్తే.. త‌మిళ స్టార్ హీరో అజిత్ నటించిన సూపర్ హిట్ మూవీ 'వేదాళం'కు రీమేక్‌గా 'భోళాశంకర్' తెర‌కెక్కింది. ఇందులో చిరంజీవి సరసన మిల్క్ బ్యూటీ తమన్నా న‌టించగా.. ఆయన సోద‌రిగా కీర్తి సురేశ్ మెరిశారు. హీరో సుశాంత్, రఘుబాబు, రవిశంకర్, మురళీ శర్మ, రష్మీ గౌతమ్ వెన్నెల కిషోర్, తులసి, శ్రీ ముఖి, ఈ సినిమాలో కీల‌క పాత్ర‌లు పోషిస్తున్నారు. ఏకే ఎంట‌ర్‌టైన్‌మెంట్స్ ప‌తాకంపై అనిల్ సుంక‌ర ఈ మూవీకి నిర్మాతగా వ్యవహరించారు.
- " class="align-text-top noRightClick twitterSection" data="">
'భోళా శంకర్' ప్రమోషన్స్ కోసం చిరు కటౌట్.. టాలీవుడ్లో అతిపెద్దదిగా రికార్డు..
'భయంతోనే ఆ పని చేశా.. స్టోరీ మంచిదైతే రీమేక్ చేస్తే తప్పేంటి?'.. వారికి చిరు స్ట్రాంగ్ కౌంటర్!
