అడివి శేష్ కథానాయకుడిగా శైలేష్ కొలను తెరకెక్కించిన పాన్‌ ఇండియా చిత్రం హిట్2. ది సెకండ్‌ కేస్‌.. అన్నది ఉపశీర్షిక. విశ్వక్ సేన్ హీరోగా తెరకెక్కిన 'హిట్ ది ఫస్ట్ కేస్‌'కు సీక్వెల్ ఇది. హీరో నాని, ప్రశాంతి తిపిర్నేని సంయుక్తంగా నిర్మించారు. మీనాక్షి చౌదరి కథానాయిక. ఈ సినిమా డిసెంబరు 2న విడుదలై మంచి టాక్‌ సొంతం చేసుకుంది. అన్ని వర్గాల ప్రేక్షకుల నుంచి మంచి ఆదరణ లభిస్తోంది. తాజాగా నటసింహం నందమూరి బాలకృష్ణతో పాటు ఆయన తనయుడు మోక్షజ్ఞ తేజ ఈ చిత్రాన్ని వీక్షించారు. సినిమా అదిరిపోయిందని ప్రశంసలు కురిపించారు. ఆ మూవీ టీమ్తో కలిసి పవర్ప్యాక్డ్ సెల్ఫీలు దిగి సందడి చేశారు. ఈ సెల్ఫీల్లో అడివిశేష్, నాని, శైలేష్ కొలను, మోక్షజ్ఞ, బాలయ్య ఉన్నారు.
ఆ ఫొటలోను అడివిశేష్ సోషల్మీడియాలో పోస్ట్ చేస్తూ ఓ అదిరిపోయే విషయాన్ని కూడా చెప్పారు. ఏంటంటే.. ఈ హిట్ ఫ్రాంచైజీలో నటించాలని బాలయ్యను రిక్వెస్ట్ చేసినట్లు తెలిపారు. "బాలయ్యకు హిట్ 2 సూపర్గా నచ్చింది. మా సినిమాను ప్రశంసించారు. అయితే నేను ఓ చిన్న జోక్ చేశాను. హిట్ ఫ్రాంచైజీలో కనిపించమని ఆయన్ను రిక్వెస్ చేశాను. దానికి ఆయన ఓ నవ్వు నవ్వారు... కానీ ఏదైనా జరగొచ్చు!" అని రాసుకొచ్చారు. కాగా, ఇప్పటికే ఈ హిట్ ఫ్రాంచైజీలో పలువురు స్టార్స్ కనపడతారని ప్రచారం సాగుతోంది. అయితే ఆ ఫొటోలు ఇప్పుడు సోషల్ మీడియాలో వైరల్గా మారాయి.
-
#NBK sir ki super nacchindhi #HIT2 ! What lovely compliments from Balayya sir about @KolanuSailesh vision & my performance. I made a small joke that we request him for an appearance in the #HIT verse 😉He smiled…but you never know! #HIT2 celebrations with big bro @NameisNani pic.twitter.com/5y8e33ngFm
— Adivi Sesh (@AdiviSesh) December 4, 2022 " class="align-text-top noRightClick twitterSection" data="
">#NBK sir ki super nacchindhi #HIT2 ! What lovely compliments from Balayya sir about @KolanuSailesh vision & my performance. I made a small joke that we request him for an appearance in the #HIT verse 😉He smiled…but you never know! #HIT2 celebrations with big bro @NameisNani pic.twitter.com/5y8e33ngFm
— Adivi Sesh (@AdiviSesh) December 4, 2022#NBK sir ki super nacchindhi #HIT2 ! What lovely compliments from Balayya sir about @KolanuSailesh vision & my performance. I made a small joke that we request him for an appearance in the #HIT verse 😉He smiled…but you never know! #HIT2 celebrations with big bro @NameisNani pic.twitter.com/5y8e33ngFm
— Adivi Sesh (@AdiviSesh) December 4, 2022
ఇకపోతే ప్రస్తుతం బాలయ్య 'వీరసింహారెడ్డి' సినిమా షూటింగ్లో బిజీగా ఉన్నారు. గోపీచంద్ మలినేని ఈ సినిమాకు దర్శకత్వం వహిస్తున్నారు. శ్రుతిహాసన్ హీరోయిన్గా నటిస్తున్న ఈ చిత్రం సంక్రాంతి కానుకగా విడుదల కానుంది. ఇప్పటికే ఈ సినిమా నుంచి విడుదలైన అప్డేట్లు మూవీపై మరింత ఆసక్తిని పెంచుతున్నాయి. మేకర్స్ ఇటీవలే ఈ సినిమా నుంచి 'జై బాలయ్య' అంటూ సాగే ఫస్ట్ సింగిల్ రిలీజ్ చేశారు.
ఇక, బాలయ్య కుమారుడు మోక్షజ్ఞ తేజ.. వచ్చే ఏడాది టాలీవుడ్కు పరిచయం కానున్నారని బాలకృష్ణ ఇటీవలే ఓ కార్యక్రమంలో క్లారిటీ ఇచ్చారు. అయితే ఆ చిత్రానికి దర్శకుడు ఎవరనేది మాత్రం బాలయ్య చెప్పలేదు. మోక్షజ్ఞను బోయపాటి శ్రీను లాంఛ్ చేయనున్నారంటూ వస్తోన్న వార్తలపై ఆయన స్పందించారు."అంతా దైవేచ్ఛ" అని నవ్వి ఊరుకున్నారు.
