Animal Movie Runtime : బాలీవుడ్ నటుడు రణ్బీర్ కపూర్, హీరోయిన్ రష్మిక జంటగా నటించిన తాజా చిత్రం 'యానిమల్'. ఇప్పటికే షూటింగ్ పూర్తి చేసుకున్న ఈ సినిమాకు సంబంధించి పోస్ట్-ప్రొడక్షన్ పనులు వేగంగా జరుగుతున్నాయి. అయితే ఈ మూవీ రన్టైమ్ అంశంపై బాలీవుడ్ మీడియాలో ఓ ఆస‌క్తిక‌ర వార్త చ‌క్క‌ర్లు కొడుతోంది. అదే.. సినిమా రన్టైమ్ను కుదించే విషయంలో అస్సలు వెనక్కి తగ్గట్లేదట దర్శకుడు సందీప్ రెడ్డి వంగా. సుమారు 3 గంటల 15 నిమిషాల నిడివి ఉన్న ఈ కథను తగ్గించాలని దర్శకుడికి ఎన్నో అభ్యర్థనలు వచ్చాయట. అయితే కుదరని పరిస్థితుల్లో తన స్క్రిప్ట్లో ఎటువంటి మార్పులు చేయకుండా యథాతథంగానే స్క్రీన్పై పదర్శించేందుకు ఆయన సిద్ధమయ్యారట. తాను అనుకున్న కథను ఏ మార్పులు లేకుండా ప్రేక్షకులకు చూపించాలంటే రన్టైమ్ విషయంలో ఏమాత్రం రాజీపడే పసక్తే లేదని సందీప్ తేల్చి చెప్పినట్లు స‌మాచారం.
ఆ విషయంలో డైరెక్టర్ నో కాంప్రమైజ్..!
ముందుగా 'యానిమల్'ను మూడున్నర గంటల నిడివితో రిలీజ్ చేయాలని అనుకున్నారట మేకర్స్. ఈ క్రమంలో ఇంత ఎక్కువ నిడివ గల సినిమా అంటే థియేటర్స్లో వేసే షోస్ టైమింగ్తో పాటు ఇతర ఇబ్బందులు కూడా తలెత్తుతాయని కొందరు సూచించారట. దీంతో 210 నిమిషాల ర‌న్టైమ్లో 15 నిమిషాలు కత్తిరించి చివరకు 3 గంటల 15 నిమిషాలకు సినిమాను కుదించారట డైరెక్టర్. అయితే ఇంత పెద్ద కథను రెండు భాగాలుగా తీసి విడుదల చేద్దామని భావించినా.. అది మరీ సాగదీసినట్లు ఉంటుందని.. అందుకే ఆ ఆలోచనను పక్కకు పెట్టి అనుకున్న స్క్రిప్ట్ ప్రకారమే వెళ్దామని డిసైడ్ అయ్యారట.
రెండు ఇంటర్వెల్స్..
అయితే ఈ మూడు గంటల రన్టైమ్ నిర్ణయంతో థియేటర్ యజమానులు తలలు పట్టుకుంటున్నారు. ఇంత లాంగ్ రన్టైమ్ సినిమాలను తమ టాకీస్లలో ప్రదర్శిస్తే ఆ తర్వాతి షోల టెలికాస్ట్ టైమింగ్ పరంగా, అలాగే స్పెషల్ షోస్ వేసే విషయంలోనూ ఇబ్బందులు ఎదుర్కొంటామని వాపోతున్నారు. ఇక 'యానిమల్' షో-టైమ్లో డబుల్ ఇంటర్వెల్స్ కూడా తప్పనిసరిగా మారే పరిస్థితి ఏర్పడింది.
మొత్తంగా ఈ యాక్ష‌న్ డ్రామా మూవీ మూడు గంటల పదిహేను నిమిషాల రన్టైమ్తో డిసెంబర్ 1న ప్రేక్షకుల ముందుకు రానున్నట్లు తెలుస్తోంది. సందీప్ రెడ్డి వంగా డైరెక్ట్ చేస్తున్న రెండో హిందీ సినిమా 'యానిమల్'. 'క‌బీర్‌సింగ్' స‌క్సెస్ తర్వాత దాదాపు రెండేళ్ల పాటు లాంగ్ గ్యాప్ తీసుకుని ఈ ప్రాజెక్ట్ను చేస్తున్నారు.
- " class="align-text-top noRightClick twitterSection" data="">
టైట్ ఫిట్ డ్రెస్లో ఏంజిల్లా జాన్వీ పాప - అందాలు అదిరిపోయాయిగా!
'పెద్ద డైరెక్టర్లతో సినిమాలు ఎందుకు చేయట్లేదు?'- హీరో నాని స్టన్నింగ్ రిప్లై!
