Anasuya Bharadwaj Crying : బుల్లితెర యాంకర్ అనసూయ భరద్వాజ్.. వెక్కి వెక్కి ఏడుస్తున్న వీడియోను సోషల్ మీడియాలో షేర్ చేశారు. ఆమె గుక్కపెట్టి ఏడవటం చూసిన నెటిజన్లు షాక్కు గురవుతున్నారు. ఈ వీడియోతో పాటు ఓ సందేశాన్ని కూడా ఇన్స్టాలో పోస్ట్ చేశారు అనసూయ. అయితే ఇది ఐదు రోజుల కిందటి వీడియో అని ఆమె తెలిపారు. మరి అనసూయ ఏడవటానికి కారణమేంటంటే?
'హలో! మీరందరూ ఆరోగ్యంగా ఉన్నారని అనుకుంటున్నాను. ఈ వీడియో చూసి అందరూ ఆశ్చర్యానికి గురవుతారని తెలుసు. ఇక విషయానికొస్తే.. నాకు తెలిసినంత వరకు సోషల్ మీడియా ప్లాట్ఫామ్స్ ప్రపంచవ్యాప్తంగా ఒకరితో ఒకరు కనెక్ట్ అయ్యేందుకు, సమాచారం పంచుకునేందుకు, ఒకరికి ఒకరు ఉన్నామని చెప్పుకునేందుకు, విజ్ఞానాన్ని, సంతోషాన్ని, జీవన విధానాలను, సంస్కృతి సంప్రదాయాలను షేర్ చేసుకునేందుకే ఉంది. మరి నిజంగా ఇప్పుడు ఇదే జరుగుతుందా?' అని పోస్ట్లో రాసుకొచ్చారు.
'ఏదేమైనా.. ఈ పోస్ట్ ఎందుకు షేర్ చేశానంటే.. నేను ఇక్కడ నా ఫొటోషూట్లు, డ్యాన్స్లు.. అన్నీ మీతో షేర్ చేసుకున్నాను. అవన్నీ నా జీవితంలో భాగమే. అయితే నా లైఫ్లో బాధాకరమైన రోజులు కూడా ఉన్నాయి. ఏవైనా సమస్యలు వచ్చినప్పుడు నేనూ బలహీనమవుతా.. కన్నీళ్లూ పెట్టుకుంటా. మనిషి లైఫ్లో అన్నీ ఉంటాయి. ఓ సెలబ్రిటీగా.. ఫీలింగ్స్ న్యూట్రల్గా ఉంచుకునేందుకు నాపై ఒత్తిడి ఉంటుంది. ఇక్కడ మీకు కనిపిస్తున్నది నిజమైన బలం కాదు. వీక్నెస్ను షేర్ చేసుకోవడమే నా బలం. ఆలాగే అందరూ సమస్య ఎదురైనప్పుడు.. ఆ బాధ పోగొట్టుకొని ఒకట్రెండు రోజుల్లో నవ్వుతూ సవాళ్లను ఎదుర్కోండి. అంతేకాని సమస్యలు చూసి పారిపోకూడదు. ఇతరులపై మీరు చేసే కామెంట్లు వారిని ఇబ్బంది పెట్టవచ్చు. అందుకని ఎదుటివారి పట్లు కొంచెం దయతో ఉండండి.' అని ఇన్స్టా పోస్ట్లో అనసూయ రాశారు.
అయితే ప్రస్తుతం తాను బాగున్నానని చెప్పుకొచ్చారు అనసూయ. తాను ఇన్స్టాలో పోస్ట్ చేసిన వీడియో ఐదు రోజుల కిందటదని అన్నారు. నేను అప్పుడు పడిన బాధను గుర్తుంచుకోడానికే వీడియో రికార్డు చేశానని తెలిపారు.
బీచ్లో మళ్లీ రెచ్చిపోయిన అనసూయ.. బికినీలో అలా చేస్తూ!
'మిర్చి' సీన్ను రిపీట్ చేశారుగా.. మామిడితోటలో భర్తతో రొమాంటిక్గా అనుసూయ!
