Aamir Khan Daughter Wedding: బాలీవుడ్ స్టార్ హీరో ఆమిర్ ఖాన్ ఇంట పెళ్లి సందడి మొదలైంది. తన కుమార్తె ఐరా ఖాన్ వివాహం ఫిట్నెస్ ట్రైనర్ నుపుర్ శిఖరేతో నేడు (జనవరి 3న) ముంబయి బాంద్రాలోని ఓ స్టార్ హోటల్లో ఘనంగా జరగనుంది. ఇప్పటికే హల్దీ, సంగీత్ ఈవెంట్లు కంప్లీట్ చేసుకున్న ఈ జంట పెళ్లిపీటలెక్కే ముందు ఓ వింత సంఘటన జరిగింది.
అయితే ఏ వరుడైనా గుర్రపు బండిపైనో, కారులోనో పెళ్లి మండపానికి వస్తారు. కానీ, ఆమిర్ ఖాన్ అల్లుడు నుపుర్ శిఖరే వినూత్నంగా పెళ్లి మండపానికి చేరుకున్నారు. జాగింగ్ ఔట్ఫిట్ (వెస్ట్ అండ్ షార్ట్) ధరించిన నపూర్, ముంబయి శాంటా క్రూజ్ నుంచి బాంద్రా పెళ్లి మండపానికి దాదాపు 8 కిలోమీటర్లు రన్నింగ్ చేసుకుంటూ వెళ్లారు. దీంతో స్థానికంగా అందరూ ఆశ్చర్యపోయారు. అలా పరిగెత్తుకుంటూ మండపానికి చేరుకున్న నుపుర్ను హీరో ఆమిర్ ఖాన్ హగ్ చేసుకొని ఆయనకు వెల్కమ్ చెప్పారు. దీనికి సంబంధించిన వీడియో సోషల్ మీడియాలో పోస్ట్ చేశారు. ప్రస్తుతం ఈ వీడియో వైరల్గా మారింది. అయితే నుపుర్ ప్రొఫెషనల్గా ఫిట్నెస్ ట్రైనర్ కాబట్టి అలా డిఫరెంట్గా వచ్చి ఉంటాడని నెటిజన్లు కామెంట్లు పెడుతున్నారు.
Ira Khan Nupur Shikhare Wedding:నుపుర్ శిఖరే, ఆమిర్ ఖాన్ కుమార్తె ఐరా ఖాన్ పర్సనల్ ఫిట్నెస్ ట్రైనర్. అలా వీరిద్దరి మధ్య స్నేహం కుదిరింది. నెమ్మదిగా స్నేహం కాస్త ప్రేమగా మారింది. చాలా రోజులు ఈ జంట రిలేషన్షిప్లో ఉంది. వీరి రిలేషన్షిప్ను అఫీషియల్గా ప్రకటించిన తర్వాత గతేడాది ఐరా- నుపుర్కు ఎంగేజ్మెంట్ జరిగింది. కాగా బుధవారం మహారాష్ట్ర సంప్రదాయంలో పలువురు అతిథుల సమక్షంలో గ్రాండ్గా జరగింది. వచ్చే వారంలో దిల్లీ, జయపురలో రెండుసార్లు రిసెప్షన్ వేడుక జరగనుందట. ఈ వేడుకకు బాలీవుడ్కు సంబంధించిన పలువురు సెలెబ్రిటీలు హాజరుకానున్నట్లు తెలుస్తోంది.
Aamir Khan Reena Dutta: ఆమిర్ ఖాన్- రీనా దత్త దంపతుల కుమార్తె ఐరా ఖాన్. రీనా దత్త ఆమిర్ ఖాన్ మాజీ భార్య. రీనా దత్త బాలీవుడ్ ఇండస్ట్రీ నిర్మాత. ఆమె ఆమిర్ ఖాన్ బ్లాక్బస్టర్ ఫిల్మ్ 'లగాన్' సినిమాకు నిర్మాతగా వ్యవహరించారు.
వరదల్లో చిక్కుకున్న హీరోలు ఆమిర్ ఖాన్, విష్ణు విశాల్- అతికష్టం మీద బయటపడ్డారిలా!
