లోక్సభతో పాటు నాలుగు రాష్ట్రాల శాసనసభ పోరుకు ఏర్పాట్లు పూర్తి చేసింది ఎన్నికల సంఘం. ఆంధ్రప్రదేశ్, ఒడిశా, అరుణాచల్ ప్రదేశ్, సిక్కిం రాష్ట్రాలలో ఎన్నికలు సజావుగా జరిగేలా చర్యలు తీసుకుంది. పోలింగ్ కేంద్రాల వద్ద భారీ స్థాయిలో భద్రతా సిబ్బంది, పారా మిలిటరీ బలగాలను మోహరించింది. సమస్యాత్మక ప్రాంతాల్లో ఎన్నికల నిర్వహణకు హెలికాప్టర్లు ఉపయోగిస్తోంది ఈసీ.
ఒడిశా...
విధానసభ, లోక్సభ ఎన్నికలు జరుగుతున్న వాటిలో రెండో పెద్ద రాష్ట్రం ఒడిశా. ఈ రాష్ట్రంలో ఉన్న మొత్తం 21 లోక్సభ సీట్లకుగాను నాలుగింటికి ఎన్నిక జరగనుంది. వీటి పరిధిలోని 28 శాసనసభ స్థానాలకూ పోలింగ్ జరగనుంది.
మొదటి విడతలో ఓటు హక్కు వినియోగించుకునే వారిలో మహిళలే ఎక్కువ. ఈ విడతలో ఎన్నికల జరగనున్న మొత్తం లోక్సభ, అసెంబ్లీ సెగ్మెంట్లు నక్సల్ ప్రభావిత ప్రాంతాల్లో ఉన్నాయి. మల్కాన్గిరి లాంటి సమస్యాత్మక ప్రాంతాల్లో హెలికాప్టర్ల ద్వారా పోలింగ్ సిబ్బందిని తరలించారు.
ఒడిశాలో మొదటి విడత
- లోక్సభ స్థానాలు - 4/21
- బరిలో ఉన్న అభ్యర్థులు- 26
- అసెంబ్లీ స్థానాలు - 28/147
- బరిలో ఉన్నావారు- 191
- మొత్తం ఓటర్లు - 60, 03,707
- మహిళలు - 30,30, 222
- ట్రాన్స్జెండర్లు- 560
- పురుషులు - 29,72,925
- పోలింగ్ కేంద్రాలు- 7,233
- సిబ్బంది - 47,805
అరుణాచల్ ప్రదేశ్
ఈశాన్య రాష్ట్రమైన అరుణాచల్ ప్రదేశ్లో ఉన్న రెండు లోక్సభ స్థానాలకు ఈ విడతలోనే పోలింగ్ పూర్తి కానుంది. ఈ రాష్ట్రంలో ఉన్న 60 విధానసభ సీట్లలో మూడు ఏకగ్రీవం కాగా... మిగిలిన 57 స్థానాల్లో ఓటింగ్ జరగనుంది.
45 కంపెనీల కేంద్ర బలగాలు , 7000 మంది పౌర పోలీసులు ఎన్నికల విధులు నిర్వర్తిస్తున్నారు. తీవ్రవాద ప్రభావిత ప్రాంతాల్లో భారీగా బలగాలను మోహరించారు.
అరుణ్చల్ ప్రదేశ్లో మొదటి విడత
- లోక్సభ స్థానాలు - 2/2
- బరిలో ఉన్న అభ్యర్థులు- 7
- అసెంబ్లీ స్థానాలు - 57/60
- బరిలో ఉన్నావారు- 181
- మొత్తం ఓటర్లు- 7,94,162
- మహిళలు - 4,01,601
- పురుషులు- 3,94,456
- పోలింగ్ బూత్లు- 2202
- సిబ్బంది- 13,262
సిక్కిం...
సిక్కింలో ఉన్న ఒకే ఒక స్థానానికి ఈ విడతలోనే పోలింగ్ పూర్తి కానుంది. 32 శాసనసభ నియోజకవర్గాల అభ్యర్థుల భవితవ్యం కూడా ఈవీఎంలలో నిక్షిప్తం కానుంది.
సిక్కిం పోలింగ్
- లోక్సభ స్థానాలు - 1/1
- బరిలో ఉన్న అభ్యర్థులు- 11
- అసెంబ్లీ స్థానాలు - 32/32
- బరిలో ఉన్నవారు- 150
- మొత్తం ఓటర్లు- 4,23,325
- మహిళలు- 2,07,103
- పోలింగ్ బూత్లు- 567
