ప్రమాదవశాత్తు ట్రాక్టర్ నీటి కాల్వలో బోల్తా పడిన ఘటనలో ఇద్దరు మహిళలు మృతి చెందగా, నలుగురికి గాయాలయ్యాయి. నారాయణపేట జిల్లా మరికల్ మండలం ఎల్లిగండ్ల గ్రామ శివారులో జరిగింది ఈ ఘటన. కేసు నమోదు చేసిన పోలీసులు దర్యాప్తు చేస్తున్నారు.
వ్యవసాయపనులు ముగించుకుని ఇంటికి వెళుతున్న క్రమంలో ఈ ప్రమాదం జరిగిందని స్థానికులు తెలిపారు. మృతులు ఎల్లిగండ్ల గ్రామానికి చెందిన జయమ్మ, సత్తెమ్మగా పోలీసులు గుర్తించారు. గాయపడ్డవారికి మరికల్లోని ప్రాథమిక ఆరోగ్య కేంద్రంలో చికిత్స అందిస్తున్నారు. మృతదేహాలను పోస్టుమార్టం కోసం నారాయణపేటలోని జిల్లా ఆసుపత్రికి తరలించారు.
ఇదీ చదవండి: కేమన్‌ దీవుల్లో చైనా బెట్టింగ్‌ యాప్‌ల సొమ్ము..
