నీటిగుంతలో పడి ఇద్దరు బాలికలు మృతి

నీటిగుంతలో చేపలు పట్టడానికి వెళ్లిన బాలికలు ప్రమాదవశాత్తు నీటిలో పడి గల్లంతయ్యారు. ఈ విషాద ఘటన మేడ్చల్ జిల్లా దూలపల్లిలో చోటుచేసుకుంది.

మేడ్చల్ జిల్లా దూలపల్లిలో విషాద ఘటన చోటుచేసుకుంది. స్థానికంగా ఉండే బాలికలు సంజన(13), కరీనా(12) క్వారీ నీటిగుంతలో చేపలు పట్టడానికి వెళ్లారు. ప్రమాదవశాత్తు అందులో పడి గల్లంతయ్యారు. స్థానికుల సమాచారంతో ఘటనాస్థలికి చేరుకున్న పోలీసులు గజ ఈతగాళ్లను రంగంలోకి దింపారు.

ఒకరి మృతదేహాన్ని వెలికి తీసిన ఈతగాళ్లు.. మరో బాలిక కోసం గాలిస్తున్నారు. ఇద్దరు బాలికలు మృతి చెందడంతో గ్రామంలో విషాదచాయలు అలుముకున్నాయి.

• ఇవీ చూడండి:- White fungus: రోగి పేగులకు సోకిన వ్యాధి