హైదరాబాద్లో మరోసారి భారీగా మాదకద్రవ్యాలు పట్టుబడ్డాయి. బంజారాహిల్స్లోని రోడ్డు నెంబర్‌ 10లోని ఓ ఇంటిపై ఎక్సైజ్‌ ఎన్‌ఫోర్స్‌మెంట్‌ అధికారులు దాడి చేశారు. తనిఖీల్లో ఇద్దరు ఎమన్ దేశస్థులను అదుపులోకి తీసుకున్నారు. నిందితుల నుంచి 17 గ్రాముల కొకైన్‌, 8 గ్రాముల ఎండీఎంఏ, 73 ఎస్టక్‌ పిల్స్‌, 15 గ్రాముల చరాస్‌ స్వాధీనం చేసుకున్నారు.
ఈజ్‌ అనే నైజీరియన్‌ నుంచి మాదకద్రవ్యాలు కొనుగోలు చేసినట్టు ఎమన్ దేశస్థులైన అబ్దుర్‌ బాబు, సొలమన్‌ విచారణలో వెల్లడించారు. బెంగుళూరు, ముంబయిలో వీటిని కొనుగోలు చేసి హైదరాబాద్లో విక్రయిస్తున్నట్టు అధికారులు భావిస్తున్నారు. కొకైన్‌ను గ్రాముకు 8 వేల చొప్పున అమ్ముతున్నట్టు నిందితులు వెల్లడించారు.
