పొలం నుంచి ఇంటికి తిరిగి వస్తుండగా ట్రాక్టర్ అదుపుతప్పి చెరువులో పడ్డ ఘటనలో ఇద్దరు మృతి చెందారు. ప్రమాదంలో.. ఓ యువ రైతు అక్కడికక్కడే ప్రాణాలు విడువగా.. తీవ్రగాయల పాలైన మరో బాలుడిని ఆస్పత్రికి తరలిస్తుండగా మృతి చెందాడు. ఈ విషాదకర ఘటన నిజామాబాద్ జిల్లా ఇందల్వాయి మండలంలో చోటుచేసుకుంది.
పెళ్లైన ఏడాదికే..
రూప్లా నాయక్ తండాకు చెందిన రైతు బాధావత్ ధన్సింగ్.. వరి పంట నీటి ఎద్దడి గురవుతుండటంతో కొత్తగా బోరు తవ్వించాడు. మోటర్ బిగించి, తోడుగా వచ్చిన బాలుడు బానోత్ అరుణ్ను తీసుకొని ట్రాక్టర్పై ఇంటికి తిరుగు ప్రయాణమయ్యాడు. మార్గమధ్యలో ప్రమాదవశాత్తు వాహనం.. కట్టపై నుంచి చెరువులోకి బోల్తా పడింది.
మృతుడు ధన్సింగ్కు ఏడాది క్రితం వివాహం కాగా.. భార్య గర్భవతి అని స్థానికులు తెలిపారు. ఇద్దరి మరణంతో గ్రామంలో విషాదఛాయలు అలుముకున్నాయి.
ఇదీ చదవండి: మేడ్చల్ జిల్లా కాకతీయనగర్‌లో ఉరివేసుకుని విద్యార్థిని ఆత్మహత్య
