Kompally Road Accident : మద్యం మత్తులో వాహనం నడుపుతూ వారి ప్రాణాలు తీసుకోవడమేగాక.. ఎదుటి వారి ప్రాణాలను ప్రమాదంలోకి నెడుతున్నారు. పోలీసులు ఎన్ని రకాల అవగాహన కార్యక్రమాలు చేపట్టినా.. ఎంత హెచ్చరించినా.. కఠిన చర్యలు తీసుకున్నా మందుబాబుల తీరు మారడం లేదు. గత మూడ్రోజుల్లోనే హైదరాబాద్లో మద్యం మత్తులో దాదాపు పది మంది ప్రాణాలు కోల్పోయారు.
Road Accident Hyderabad Today : హైదరాబాద్ పేట్బషీరాబాద్ పరిధిలోని కొంపల్లి బిగ్బజార్ వద్ద అర్ధరాత్రి రోడ్డు ప్రమాదం జరిగింది. ఆర్మూర్ నుంచి నగరానికి వస్తున్న కారు మేడ్చల్ జిల్లా కొంపల్లి బిగ్బజార్ వద్ద డివైడర్ను ఢీకొట్టి బోల్తా పడింది. ఈ ఘటనలో కారులో ప్రయాణిస్తున్న ముగ్గురికి గాయాలయ్యాయి.
సమాచారం అందుకున్న పోలీసులు ఘటనాస్థలికి చేరుకున్నారు. క్షతగాత్రులు సాయిశ్రీనివాస్, పండిత్, పవన్లను స్థానిక ఆస్పత్రికి తరలించారు. మద్యం మత్తులోనే ప్రమాదం జరిగినట్లు పోలీసులు ప్రాథమిక నిర్ధారణకొచ్చారు. కారులో నుంచి మద్యం సీసాలు స్వాధీనం చేసుకున్నట్లు తెలిపారు. కేసు నమోదు చేసుకుని దర్యాప్తు చేస్తున్నారు.
ఇవీ చదవండి :
