Shilpa Chowdary Cheating Case: చంచల్‌గూడ జైలు నుంచి శిల్పా చౌదరి విడుదల

Shilpa Chowdary Cheating Case: పెట్టుబడులు, అధిక వడ్డీల పేరిట కోట్ల రూపాయలు వసూలు చేసినట్లు ఆరోపణలు ఎదుర్కొంటున్న శిల్పా చౌదరి.. ఈ రోజు బెయిల్​పై విడుదలైంది. చంచల్​గూడ జైలులో రిమాండ్​లో ఉన్న శిల్పకు ఉప్పర్​పల్లి​ కోర్టు షరతులతో కూడిన బెయిల్​ మంజూరు చేసింది.

3 కేసులు రూ.7 కోట్లు

పెట్టుబడులు, లాభాల పేరుతో పలువురిని మోసం చేసిన కేసులో దాదాపు నెల క్రితం శిల్ప అరెస్టయింది. 3 కేసుల్లో 7 కోట్ల రూపాయల మోసం చేసినట్లు ఆమెపై కేసులు నమోదయ్యాయి. పలుమార్లు కస్టడీలోకి తీసుకున్న నార్సింగి పోలీసులు అనేక కోణాల్లో దర్యాప్తు చేశారు. ఆమెపై నమోదైన మూడు కేసుల్లోనూ బెయిల్​ లభించింది. ఈ మేరకు ప్రతి శనివారం నార్సింగి పోలీస్ స్టేషన్​లో హాజరు కావాలని కోర్టు ఆదేశించింది. ఈ కేసులో శిల్ప దాదాపు 25 రోజుల పాటు జైలులోనే ఉంది.

ఇదీ చదవండి: Shilpa Chowdary Custody news : 'కోట్ల రూపాయలను ఎక్కడకు మళ్లించారు?'