హైదరాబాద్ చింతల్లో రోడ్డు ప్రమాదం
హైదరాబాద్ చింతల్ ప్రాంతంలో రోడ్డు దాటుతున్న ఓ వ్యక్తిని అతివేగంగా ద్విచక్ర వాహనదారుడు ఢీకొట్టడంతో... పాదచారుడు కొంత దూరం ఎగిరిపడ్డాడు. పద్మనగర్‌కు చెందిన జగత్‌ సోమవారం మధ్యాహ్నం రోడ్డు దాటుతున్నాడు. ఆ సమయంలో షాపూర్‌నగర్ వైపు నుంచి బాలానగర్ వైపు ద్విచక్రవాహనంపై ఇద్దరు యువకులు అతివేగంగా వెళ్తున్నారు.
ఆ సమయంలో రోడ్డు దాటుతున్న జగత్‌ను అతివేగంగా ఢీకొట్టారు. ఘటనలో జగత్‌ కాలికి గాయాలు కాగా... బైక్‌పై వెళ్తున్న ఇద్దరు స్వల్ప గాయాలతో బయటపడినట్లు పోలీసులు తెలిపారు. వారి ద్విచక్రవాహనానికి నెంబర్ ప్లేట్తో పాటు వారికి డ్రైవింగ్ లైసెన్స్ లేదని పేర్కొన్నారు. ఘటనపై కేసు నమోదు చేసి దర్యాప్తు చేస్తున్నారని వెల్లడించారు.
ఇదీ చదవండి: రాష్ట్రంలో ఆక్సిజన్‌ కొరత లేదన్న మంత్రి ఈటల రాజేందర్
