మేడ్చల్-మల్కాజిగిరి జిల్లా జీడిమెట్ల పోలీస్స్టేషన్ పరిధిలోని వివేకానందనగర్, శ్రీనివాస కాలనీలలో ఓ సైకో వీరంగం సృష్టించాడు. కాలనీల్లోని ఇళ్ల ముందు నిలిపి ఉంచిన ద్విచక్ర వాహనాలపై పెట్రోల్ పోసి నిప్పంటించాడు. రెండు కాలనీల్లో కలిపి 9 వాహనాలు అగ్నికి ఆహుతయ్యాయి. ఇది గమనించిన స్థానికులు మంటలను ఆర్పి వేశారు. అనంతరం పోలీసులకు ఫిర్యాదు చేశారు.
గతంలోనూ ఇలాంటి ఘటనలు జరిగినట్లు స్థానికులు పోలీసులకు తెలిపారు. ఈ వాహనాల విలువ సుమారు రూ.7 లక్షల వరకు ఉంటుందని.. నిందితుడిని వెంటనే పట్టుకుని తమకు న్యాయం చేయాలని బాధితులు పోలీసులను కోరారు.
ఇవీ చదవండి:
