సంగారెడ్డి జిల్లా కంది మండలంలో విషాదం చోటుచేసుకుంది. ఈత సరదా.. ఓ యువకుడి ప్రాణం తీసింది. ఎరుకలి కృష్ణ.. స్నేహితులతో కలిసి సరదాగా గడపడానికి స్థానిక మామిడిపల్లి చెరువు వద్దకు వెళ్లాడు. మిత్రులతో కలిసి నీటిలోకి దిగాడు. ఈత కొడుతూ ఇంకాస్త లోపలికి వెళ్లాడు. లోతు ఎక్కువుందని గ్రహించేలోపే నీట మునిగి గల్లంతయ్యాడు.
తోటివారి సమాచారంతో కుటుంబసభ్యులు, పోలీసులు.. ఘటనా స్థలానికి చేరుకున్నారు. గాలింపు చేపట్టి.. యువకుడి మృతదేహాన్ని బయటకు తీశారు. విగత జీవిగా పడి ఉన్న కుమారుడిని చూసి.. తల్లిదండ్రులు కన్నీరుమున్నీరుగా విలపించారు. పోస్టుమార్టం నిమిత్తం.. మృతదేహాన్ని జిల్లా ప్రభుత్వాసుపత్రికి తరలించారు.
ఇదీ చదవండి: రెండు టన్నుల చేపలు మృత్యువాత
