పెద్దపల్లి జిల్లాలో జరిగిన హైకోర్టు న్యాయవాద దంపతుల హత్యకేసు నిందితులను వారం రోజులపాటు పోలీస్ కస్టడీకి ఇస్తూ మంథని కోర్టు తీర్పు ఇచ్చింది.
పెద్దపల్లి జిల్లాలో న్యాయవాద దంపతుల హత్య కేసు దర్యాప్తులో భాగంగా ఈనెల 19న సీన్ రీకన్స్ట్రక్షన్ కోసం ఘటన స్థలానికి ముగ్గురు నిందితులను పోలీసులు తీసుకెళ్లారు. అనంతరం కోర్టులో హాజరు పరచగా 14రోజుల రిమాండ్ విధించింది. ఇదే కేసులో ఆయుధాలు, వాహనం సరఫరా చేసిన బిట్టు శ్రీనును.. కోర్టులో హాజరుపరిచగా 14 రోజుల రిమాండ్ విధించింది న్యాయస్థానం.
ఈ కేసులో మరింత లోతుగా దర్యాప్తు చేయాల్సిన అవసరం ఉందంటూ డీసీపీ రవీందర్ మంథని కోర్టులో పిటిషన్ దాఖలు చేశారు. అనుమతించిన కోర్టు కుంట శ్రీను, చిరంజీవి, కుమార్ను వారంపాటు పోలీస్ కస్టడీకి ఇస్తూ తీర్పు ఇచ్చింది.
ఇవీచూడండి: 'మంథనిలో లీగల్‌ ఫ్యాక్షన్‌ నడుస్తోంది'
