ధాన్యం లారీని ఢీకొన్న బైక్.. ఒకరు మృతి

కరీంనగర్ జిల్లా వెదిరలో ధాన్యం లారీని ద్విచక్రవాహనం ఢీకొంది. ఈ ఘటనలో ఒకరు మృతి చెందగా మరొకరు తీవ్రంగా గాయపడ్డారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.

కరీంనగర్ జిల్లా రామడుగు మండలం వెదిరలో జరిగిన రోడ్డు ప్రమాదంలో ఒకరు మృతి చెందగా మరొకరు తీవ్రంగా గాయపడ్డారు. గంగాధర మండలం కురిక్యాలకు చెందిన కనుకుంట్ల రాజేశం, కనుకుంట్ల శ్రీనివాస్​ బైక్​పై వెళ్తూ ఎదురుగా వచ్చిన ధాన్యం లారీ ఢీకొట్టారు. ఘటనా స్థలిలోనే రాజేశం ప్రాణాలు కోల్పోయారు.

తీవ్రంగా గాయపడిన శ్రీనివాస్​ను కరీంనగర్ ఆస్పత్రికి తరలించారు. కరీంనగర్ రూరల్ ఏసీపీ విజయ సారథి, ఎస్సై వివేక్ కేసు నమోదు చేసి దర్యాప్తు చేపట్టారు.

ఇదీ చదవండి: బంధువులింటికి వెళ్తుండగా ప్రమాదం... ఒకరు మృతి