Minister Suresh vehicle accident in gobburu: మంత్రికి కేటాయించిన వాహనం ద్విచక్రవాహనాన్ని ఢీకొట్టిన ఘటనలో ఒకరు మృతిచెందారు. ఈ ఘటన ఆంధ్రప్రదేశ్లోని ప్రకాశం జిల్లా పెద్దారవీడు మండలంలో చోటు చేసుకుంది. ఏపీ మంత్రి సురేశ్కు కేటాయించిన ప్రభుత్వ వాహనం బైక్ను ఢీకొట్టింది. గొబ్బూరు వద్ద జరిగిన ఈ ప్రమాదంలో బైక్పై ప్రయాణిస్తున్న మహేశ్ మృతి చెందాడు. అతని భార్యకు తీవ్ర గాయాలయ్యాయి.
చికిత్స నిమిత్తం బాధితురాలిని ఆస్పత్రికి తరలించారు. ప్రమాదం జరిగిన సమయంలో మంత్రి ఆదిమూలపు సురేశ్.. మార్కాపురంలో ఉన్నారు. పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి: దిల్లీలో శుక్రవారం బిపిన్ రావత్ అంత్యక్రియలు
