లాక్డౌన్ మినహాయింపు సమయానికి ముందే ఇంటికి చేరుకోవాలని ద్విచక్రవాహనంపై వెళ్లిన దంపతులు రోడ్డు ప్రమాదానికి గురయ్యారు. ఆదిలాబాద్ జిల్లా నేరడిగొండ మండలంలోని రోల్ మామడ జాతీయ రహదారిపై చోటుచేసుకున్న ఈ ఘటనలో భార్య అక్కడికక్కడే మృతి చెందగా భర్త స్వల్ప గాయాలతో బయటపడ్డారు. నిర్మల్ జిల్లా ఖానాపూర్ మండలం తర్జాపూర్ గ్రామానికి చెందిన ఊషన్న, లింగమ్మ దంపతులు ఆదిలాబాద్ జిల్లా మావల మండలం వాఘాపూర్లో శనివారం.. జరిగిన బంధువుల వివాహానికి హాజరయ్యారు. అప్పటికే లాక్డౌన్ సమయం మించిపోవడంతో ప్రయాణం వాయిదా వేసుకున్నారు.
మరుసటి రోజు ఉదయమే వాఘాపూర్ నుంచి బయలుదేరిన ఆ జంట.. ద్విచక్ర వాహనం అదుపు తప్పడంతో రోల్ మామడ వద్ద కింద పడ్డారు. వెనకాల ఉన్న లింగమ్మ తలకు తీవ్ర గాయాలవడం వల్ల ఆమె అక్కడే ప్రాణాలు కోల్పోయారు. ఊషన్న స్వల్ప గాయాలతో బయట పడ్డారు. అతన్ని నిర్మల్ ఆస్పత్రికి తరలించారు.
- ఇదీ చదవండి: అమానుషం: కన్నకూతురిపైనే తండ్రి అత్యాచారం
