"హలో... మాట్లాడేది నవీన్నా.. మేము హెల్త్ డిపార్ట్మెంటు నుంచి మాట్లాడుతున్నాం.. మీ నంబరు పుల్లారావు అనే వ్యక్తి ఇచ్చాడు. మీ ఫోన్పే నంబర్కు ఓ లింక్ వచ్చింది.. దానిపై క్లిక్ చేసి పిన్ నంబర్ ఎంటర్ చేయండి." ఇలా పదిసార్లు రిక్వెస్టు పంపారు... పదిసార్లు నవీన్ పిన్ నంబర్ ఎంటర్ చేశాడు. పదకొండోసారి అనుమానమొచ్చి తన ఖాతా చూడగా అప్పటికే లక్షమాయమయ్యిందని గ్రహించిన బాధితుడు సైబర్ క్రైం పోలీసులను ఆశ్రయించాడు. హైదరాబాద్లో కొత్తరకం సైబర్ మోసం బయటపడింది. తన ఖాతాలో లక్ష రూపాయాలు ఖాళీ చేశారంటూ హైదరాబాద్ చింతల్కు చెందిన నవీన్.. పోలీసులకు ఫిర్యాదు చేశాడు.
ఇంతకీ ఏం జరిగిందంటే...
చింతల్లో ఉంటున్న నవీన్ మేనమామ పుల్లారావు ఏపీలోని గుంటూరులో హెడ్ కానిస్టేబుల్గా పనిచేస్తున్నాడు. కరోనా బారినపడి చికిత్స పొందుతున్న పుల్లారావు... నవీన్కు ఫోన్ చేసి ప్రభుత్వం నుంచి రూ.35వేలు నగదు వస్తుందని... అవి ఫోన్పేలో జమ అవుతాయని చెప్పాడు. కొద్దిసేపటికే నవీన్కు ఓ ఫోన్ వచ్చింది. హెల్త్ డిపార్ట్మెంట్నుంచి కాల్ చేస్తున్నామని... తాము పంపిన లింకుపై క్లిక్ చేయమని చెప్పి ఖాతాలోంచి లక్ష రూపాయలు కాజేశారు. మోసపోయానని గ్రహించిన బాధితుడు జీడిమెట్ల పోలీసులకు ఫిర్యాదు చేశాడు.
ఇదీ చూడండి: ఐసోలేషన్‌ కేంద్రంలో 11 మంది మృతి
