పటాన్​చెరులో తప్పిపోయిన ఒడిశా బాలిక

సంగారెడ్డి జిల్లా పటాన్​చెరు మండలంలోని ఇంద్రేశం గ్రామంలో ఒడిశాకు చెందిన ఓ బాలిక అదృశ్యమైంది. రాత్రి తల్లిదండ్రులతోనే నిద్రించిన బాలిక తెల్లవారే సరికి కనిపించలేదు. చుట్టుపక్కల ప్రాంతాల్లో వెతికిన తల్లిదండ్రులకు ఆమె ఆచూకీ లభించకపోవడంతో పోలీసులుకు ఫిర్యాదు చేశారు. కేసు నమోదు చేసిన పోలీసులు దర్యాప్తు ప్రారంభించారు.

బతుకుదెరువు కోసం ఒడిశా నుంచి సంగారెడ్డి జిల్లాకు వచ్చిన ఓ కుటుంబానికి చెందిన బాలిక అదృశ్యమైంది. ఈ ఘటన పటాన్​చెరు మండలంలోని ఇంద్రేశం గ్రామంలో జరిగింది. కుటుంబ సభ్యుల ఫిర్యాదుతో కేసు నమోదు చేసిన పోలీసులు దర్యాప్తు చేపట్టారు.

ఒడిశాకు చెందిన బాలి అనే వ్యక్తి అతని భార్య, కుమార్తె హారతి(15)తో కలిసి బతుకుదెరువు కోసం ఐదు నెలల క్రితం సంగారెడ్డి జిల్లా పటాన్​చెరు మండలం ఇంద్రేశం గ్రామానికి వచ్చాడు. గ్రామంలోని ఇటుకల బట్టీలో పని చేస్తూ కుటుంబాన్ని పోషిస్తున్నాడు. ఈ క్రమంలో గురువారం సాయంత్రం భోజనం తర్వాత నిద్రకు ఉపక్రమించారు. ఉదయం లేచి చూసేసరికి వారి కుమార్తె కనిపించలేదు. సమీప ప్రాంతాల్లో వెతికినా ఎలాంటి సమాచారం లభించకపోవడంతో కుటుంబ సభ్యులు పటాన్​చెరు పోలీసులకు ఫిర్యాదు చేశారు.

ఇదీ చదవండి: సొంతూరుకు వెళ్తూ వాహనంలోనే వలసకూలీ ప్రసవం.. తల్లీబిడ్డా క్షేమం