'లైంగికంగా వేధిస్తున్నాడని మైనర్ ఫిర్యాదు.. ప్రజాప్రతినిధిపై పోక్సో కేసు'

Sexual harassments on Minor : ఆపద వస్తే ఆదుకోవాల్సిన ఓ ప్రజాప్రతినిధి తనను లైంగికంగా వేధిస్తున్నాడని ఆరోపిస్తూ ఓ బాలిక పోలీసులను ఆశ్రయించింది. తనపై లైంగిక దాడికి పాల్పడ్డాడంటూ ఫిర్యాదు చేసింది. అయితే అత్యాచారం జరిగినట్లు ప్రాథమిక విచారణలో తేలిందని పోలీసులు వెల్లడించారు. ఈ ఘటనపై కేసునమోదు చేసినట్లు చెప్పారు.

Sexual harassments on Minor : అధికార పార్టీకి చెందిన ఓ ప్రజాప్రతినిధి తనను లైంగిక వేధింపులకు గురిచేస్తున్నాడని ఓ బాలిక పోలీసులను ఆశ్రయించింది. నిర్మల్ జిల్లా కేంద్రంలో ఓ ప్రజాప్రతినిధి.. గత కొన్ని రోజులుగా లైంగిక దాడికి పాల్పడినట్లు గ్రామీణ పోలీస్ స్టేషన్​లో బాలిక ఫిర్యాదు చేసింది.

ఏం జరిగింది?

నిర్మల్​ మున్సిపల్ వైస్​ఛైర్మన్ సాజిద్ ఖాన్ గత కొన్ని రోజులుగా లైంగిక దాడికి పాల్పడుతున్నట్లు జిల్లా కేంద్రానికి చెందిన బాలిక.. బాలల సంరక్షణ విభాగాన్ని సంప్రదించింది. వారి సాయంతో శనివారం రాత్రి నిర్మల్ గ్రామీణ పోలీస్ స్టేషన్​లో ఫిర్యాదు చేసింది. ప్రాథమిక విచారణ అనంతరం బాలికపై అత్యాచారం జరిగిన విషయం వాస్తవమని తేలిందని పోలీసులు తెలిపారు. ఆ ప్రజా ప్రతినిధిపై పోక్సో చట్టం క్రింద కేసు నమోదుచేసినట్లు వెల్లడించారు. నిండుతుడి కోసం గాలింపు చర్యలు చేపట్టినట్లు నిర్మల్ డీఎస్పీ ఉపేందర్ రెడ్డి తెలిపారు.

బాలిక ఫిర్యాదుతో వైస్ ఛైర్మన్ సాజిద్​పై పోక్సో చట్టం కింద కేసు నమోదు చేశాం. రేప్ కేసు బుక్ చేశాం. దర్యాప్తు చేస్తున్నాం. నిందితుడిని పట్టుకోవడానికి ప్రత్యేక బృందాలు ఏర్పాటు చేశాం. వీలైనంత త్వరగా పట్టుకుంటాం. ఎంతటివారైనా సరే చట్టం ముందు సమానమేనని చూపిస్తాం.

-ఉపేందర్ రెడ్డి, నిర్మల్ డీఎస్పీ

ఇదీ చదవండి: Drug smugglers: డ్రగ్స్​ స్మగ్లర్లపై పోలీసుల ఫోకస్​.. మూడు ముఠాలు అరెస్ట్​..