వద్దన్నా వినలేదు.. వాగులో కొట్టుకుపోయాడు

వాగు ఉద్ధృతంగా ఉంది.. వెళ్లొద్దని వారించినా వాగు దాటేందుకు యత్నించిన ఓ వ్యక్తి గల్లంతయ్యాడు. ఈఘటన సంగారెడ్డి జిల్లా ఝరాసంగం మండలం మామిడి వాగు వద్ద జరిగింది.

భారీ వర్షాలకు ప్రమాదకరంగా మారిన ఓ వాగును దాటేందుకు యత్నించిన ఓ వ్యక్తి ప్రవాహంలో పడిపోయాడు. బైక్​పై వాగును దాటుతుండగా ప్రవాహం ధాటికి వాహనం నుంచి కింద పడ్డాడు. బైక్​తో సహా వాగులో కొట్టుకుపోయాడు.

సంగారెడ్డి జిల్లా ఝరాసంగం మండలం ఎల్గోయి శివారులోని మామిడి వాగులో ఓ వ్యక్తి గల్లంతయ్యాడు. ప్రవాహం ఉద్ధృతంగా ఉందని స్థానికులు చెప్పినా వినకుండా... ద్విచక్రవాహనంతో వాగు దాటుతూ కొట్టుకుపోయాడు. రేజింతల్​ వైపు నుంచి వచ్చిన వ్యక్తి కొట్టుకుపోయాడని ప్రత్యక్ష సాక్షులు తెలిపారు. సమాచారం అందుకున్న పోలీసులు గాలింపు చర్యలు చేపట్టారు.

ఇదీ చూడండి: Accident: ప్రయాణంలో ఉండగా ఊడిన బస్సు చక్రాలు..