ప్రేమ విఫలమైందని ఓ వివాహితుడు ఫ్యాన్కు ఉరి వేసుకుని ఆత్మహత్య చేసుకున్న ఘ‌ట‌న హైదరాబాద్ వ‌న‌స్థ‌లిపురం పోలీస్‌స్టేష‌న్ ప‌రిధిలో చోటు చేసుకుంది. ఆంధ్రప్రదేశ్లోని ప్రకాశం జిల్లాకు చెందిన షేక్ బ్ర‌హ్మం (34) శ‌నివారం ఉద‌యం న‌గ‌రానికి చేరుకుని వ‌న‌స్థ‌లిపురం పీఎస్ ప‌రిధిలోని ఓ లాడ్జిలో రూం తీసుకున్నాడు. సాయంత్రం పూటుగా మ‌ద్యం సేవించి రాత్రి 8 గంట‌ల స‌మ‌యంలో త‌న రూంకు వెళ్లాడు.
త‌న ప్రేమ విఫలమైందని.. స్నేహితులు కూడా త‌న‌ని మోసం చేశార‌ని తెలిపాడు. అందుకే ఆత్మహత్య చేసుకుంటున్నాన‌ని సెల్ఫ్ వీడియోలో పేర్కొన్నాడు. ఈ విష‌యం త‌న త‌ల్లికి, భార్య‌కు తెలియాల‌నే సెల్పీ వీడియో తీస్తున్న‌ట్లు ఫేస్బుక్ లైవ్లో పేర్కొన్నాడు. విష‌యం తెలుసుకున్న వ‌న‌స్థ‌లిపురం పోలీసులు హుటాహుటినా.. ఘటనా స్థలానికి చేరుకున్నారు. లాడ్జీలోని రూం త‌లుపులు బ‌ద్ద‌లు కొట్టి మృతదేహాన్ని పోస్ట్మార్టం నిమిత్తం ఉస్మానియా ఆసుప‌త్రికి త‌ర‌లించారు.
ఇదీ చదవండి:
