ఏపీ విశాఖపట్నం నుంచి హైదరాబాద్ పాతబస్తీ మీదుగా మహారాష్ట్రకు గంజాయి తరలిస్తున్న ఇద్దరినీ టాస్క్ఫోర్స్, ఫలక్నుమా పోలీసులు అరెస్ట్ చేశారు. వారి వద్ద నుంచి 50 కేజీల గంజాయి, ఒక ఇన్నోవా కారు, 2 సెల్ఫోన్లు స్వాధీనం చేసుకున్నారు. నల్గొండ జిల్లాకు చెందిన ఎండీ ఖాదర్, ఎండీ అజిజ్ ఇద్దరూ కలిసి సులభంగా డబ్బులు సంపాదించేందుకు పథకం వేశారు.
విశాఖపట్నం నుంచి గంజాయి కొనుగోలు చేసి మహారాష్ట్రకు తరలిస్తుండగా సమాచారం అందుకున్న దక్షిణ మండలం టాస్క్ఫోర్స్ పోలీసులు, ఫలక్నమా పోలీసుల సహాయంతో వారిని పట్టుకున్నారు. గంజాయి స్వాధీనం చేసుకోవడంలో చాకచక్యంగా వ్యవహరించి నిందితులను పట్టుకున్న టాస్క్ఫోర్స్ సీఐ రాఘవేంద్ర, సిబ్బందిని అదనపు డీసీపీ చక్రవర్తి అభినందించారు.
ఇదీ చదవండి: ప్రభుత్వాస్పత్రిలో అగ్ని ప్రమాదం.. విలువైన సామాగ్రి దగ్ధం
