హోమియోపతి వైద్యులుగా పనిచేస్తున్న ఇద్దరు అన్నదమ్ములు ప్రమాదవశాత్తు చెరువులో పడి మృతి చెందారు. మేడ్చల్ మల్కాజిగిరి జిల్లా శామీర్ పేట్లో ఈ ఘటన చోటుచేసుకుంది. బిహార్కు చెందిన గౌతమ్(28), నందన్(26) అల్వాల్లోని ఎక్సెల్ ఆస్పత్రిలో హోమియోపతి వైద్యులుగా పనిచేస్తున్నారు.
ఆదివారం సాయంత్రం శామీర్పేట్లోని పెద్ద చెరువు వద్దకు అన్నదమ్ములు బైక్పై వెళ్లారు. నందన్ కాళ్లు కడుక్కునేందుకు అందులో దిగగా ప్రమాదవశాత్తు జారి అందులో పడిపోయారు. అతనిని రక్షించేందుకు గౌతమ్ ప్రయత్నిస్తూ అతనూ పడిపోయాడు. చెరువు వద్ద వారి బైక్, బ్యాగ్ గమనించిన వైద్యుల స్నేహితుడు గణేష్ వర్మ.. వారిద్దరూ గల్లంతయినట్లు గుర్తించి పోలీసులకు సమాచారం అందించారు. ఈ రోజు ఉదయం గజ ఈతగాళ్ల సాయంతో మృతదేహాలను వెతికితీశారు. కేసు నమోదు చేసి దర్యాప్తు చేస్తున్నట్లు శామీర్ పేట్ సీఐ సుధీర్ కుమార్ తెలిపారు.
ఇదీ చదవండి: ముగ్గుర్ని నరికి చంపిన కేసులో నిందితుల కోసం ప్రత్యేక బృందాలు
