Grandfather and Grandson Death: ఆంధ్రప్రదేశ్లోని అనంతపురం జిల్లా యల్లనూరు మండలం లక్షుంపల్లిలో విషాదం నెలకొంది. తాడిమర్రి మండలం నాయనపల్లి గ్రామానికి చెందిన గంగన్న, ఆయన మనవడు గౌతమ్.. గ్రామ సమీపంలోని చిత్రావతి నదిలో గొర్రెలను శుభ్రపర్చడానికి తీసుకెళ్లారు.
ఈ క్రమంలో గౌతమ్ కాలు నదిలోని ఇసుకలో చిక్కుకుపోవటంతో.. కాపాడేందుకు గంగన్న వెళ్లి ప్రమాదవశాత్తు ఇద్దరు నీటిలో మునిగి మరణించారు. గ్రామస్థులు గమనించి మృతదేహాలను బయటికి తీశారు.
మరణవార్త విని మృతుల కుటుంబసభ్యుల రోదనలు మిన్నంటాయి. ఘటనపై పోలీసులు కేసు నమోదు చేసుకుని దర్యాప్తు చేపట్టారు.
ఇదీ చదవండి: అదృశ్యమైన ఇద్దరు బాలికల ఆచూకీ లభ్యం... అసలేమైందంటే?
