Gang War Video viral: రంగారెడ్డి జిల్లా మీర్పేట్ పోలీస్స్టేషన్ పరిధిలోని బడంగ్పేట్ నగరపంచాయతీ ముందు జరిగిన దాడి.. ఇప్పుడు స్థానికంగా చర్చనీయాంశమైంది. రాత్రిపూట రెండు వర్గాలు ఒకరిపై ఒకరు దాడి చేసుకున్నారు. వాహనాల రాకపోకలతో రద్దీగా ఉన్న రోడ్డుపై అందరూ చూస్తుండగానే ఈ ఘర్షణ జరిగింది. ఈ ఘటనలో ఓ వ్యక్తిపై కొంత మంది యువకులు కర్రలు, ఇనుప రాడ్లతో విచక్షణారహితంగా దాడి చేశారు.
దాడి నుంచి తప్పించుకునేందుకు ఆ యువకుడు ప్రయత్నించగా.. అక్కడే ఉన్న మిగతావారు పట్టుకుని ఇష్టమున్నట్టు కొట్టారు. ఈ దాడికి సంబంధించి దృశ్యాలు అక్కడే ఉన్న ఓ దుకాణపు సీసీ కెమెరాలో రికార్డయ్యాయి. కాగా.. ఇప్పుడు ఆ వీడియోలు సామాజిక మాధ్యమాల్లో వైరల్గా మారాయి. ఈ ఘటనపై ఎలాంటి సమాచారం లేదని.. ఫిర్యాదులు కూడా అందలేదని మీర్పేట్ పోలీసులు తెలిపారు. అసలు ఈ ఘర్షణకు దారి తీసిన కారణాలేంటీ..? దాడి చేసిన వాళ్లేవరు..? బాధితుడు ఎవరు..? అనే వివరాలు ఇంకా తెలియాల్సి ఉంది.
ఇదీ చూడండి:
